Krasnoje Selo

Krasnoje Selo
Emblemen
Bestjoer
Lân	Ruslân
Federale stêd	Sint-Petersburch
Sifers
Ynwennertal	58.652 (2023)
Oerflak	19,28 km²
Befolkingsticht.	3.213,81 ynw./km²
Oar
Stifting	Begjin 18e iuw
Tiidsône	UTC +3
Koördinaten	59° 44' N 30° 5' E
Offisjele webside
www.krasnoe-selo.ru
Kaart

Krasnoje Selo (Russysk: Кра́сное Село́, letterlik Moai doarp) is in stêd yn Ruslân. Bestjoerlik falt Krasnoje Selo ûnder Sint-Petersburch. De stêd leit op likernôch 25 kilometer súdeastlik fan it sintrum fan Sint-Petersburch.

Skiednis

De bou fan in papiermûne yn 1719 wurdt as de stiftingsdatum fan de stêd beskôge. Fan 1765 ôf krige it plak in militêre betsjutting en oefene de Sint-Petersburchske garde dêr. Ek ûntstie der in papierfabryk. Yn 'e 19e iuw waard Krasnoje Selo fanwegen it leaflike lânskip populêr by de boppelaach fan de Russyske haadstêd. Tal fan filla's en simmerdatsja's waarden der doe boud en ek de keizerlike famylje hiene dêr in simmerresidinsje.

Yn 1884 teste de loftfeartpionier Aleksander Mosjaiski syn iendekker yn it plak. Foar de Earste Wrâldkriich wie der in fleanfjild, dêr't bygelyks Igor Sikorski it earste fjouwermotoaryske fleantúch fan de wrâld mei sukses teste.

By Krasnoje Selo waarden yn de hjerst fan 1919 de nei Petrograd optsjende troepen fan de wite generaal Nikolaj Joedenitsj keard en ferslein. Yn 1925 krige Krasnoje Selo stedsrjochten.

Under de blokkade fan Leningrad yn de Twadde Wrâldkriich waard Krasnoje Selo troch de Dútske Wehrmacht beset. It Reade Leger ferovere op 19 jannewaris 1944 de stêd yn it ramt fan de Operaasje Leningrad-Novgorod werom.

Yn 1973 waard de stêd by it stedsgebiet fan it doedestiidske Leningrad yndield.

Untwikkeling befolking

Jier	Ynwennertal
1897	3.000
1939	12.654
1959	16.286
1970	27.208
2002	44.081
2010	44.323
2017	55.550

Opmerking: Folkstelling 1897 ôfrûne

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Krasnoje Selo fan Wikimedia Commons.