Konstitúsjonele monargy

In konstitúsjonele monargy is in monargy mei in monarch as steatshaad dy't troch in skreaune of net-skreaune grûnwet beheind is yn syn foegen. Yn de foarm sa't dy op 't heden yn Jeropa foarkomt hawwe de measte monargen formeel wol autoriteit, en funksjonearret it regear trochstrings út namme fan de monarch, mar makket de monarch sels gjin belied en kiest hy gjin politike lieders mear.

De Nederlânske monargy is in foarbyld fan in parlemintêre konstitúsjonele monargy, in kombinaasje fan in konstitúsjonele monargy en in parlemintêre demokrasy. Dat betsjut dat de macht by de monarch, de ministers en it parlemint leit. Yn Nederlân is de macht fan de monarch lykwols flink beheind.