Kof

Ut Wikipedy
Gean nei: navigaasje, sykje
Kof(fe)

In kof of koffe of kofskip is Nederlânsk type fan sylskip foar de lytse feart, de kustfeart en de eastfeart. De kof hat rûne, brede foar- en efterstjûne, en hat net in kiel. Guon koffen lykje in soad op in smak". Typysk oan in kof is dat dy in fege ûnderwetterskip hat, dat werom giet op de bouwize fan de kogge en ewers; ek hat in kof mear seech.

Koffen fan net mear as in 12m, kofskûten hawwe ien mêst, mei langs- en dwerstúg. Sokke skûten hawwe in kielbalke fan net mear as sa'n 10 sm djip. Yn stee fan in kiel binne der twa sydswearden tsjin de drift. Mei sûnder kiel hat it foardiel dat de kofskûte droechfalle kin. Dit type kof waard dêrom brûkt op de binnenfeart en de kustfeart. Gruttere koffen kinne wol oant 28m oan ta wêze. Dizze hawwe oardel mêst. De grutte mêst is dan dwêrstúgd. De drúlmêst stiet efter de roef, en is fral langstúgd. De kielbalk is sa'n 30 sm djip, dat sa'n kofskip hat gjin sydswearden nedich. Dizze kofskippen hawwe mear laadromte, dat dit type waard brûkt foar de eastfeart. Ut de lannen om dy see helle men nôt, fisk en hout. Dit guod waard ferkocht oant yn Súd-Frankryk. As retoerfracht waard faak wyn meinomd.Dizze grutte kofskippen wienen minder gaadlik foar de lytse feart.

Tusken ±1800 en ±1870 berikte de kustfeart mei it kofskip syn hichtepunt.

It wurd is foar it Hollânsk ek bekend fan it taalkundige ezelsbrechje 't Kofschipwat de bûging fan tiidwurden oanjout.

Keppelings om utens[bewurkje seksje | boarne bewurkje]