Katedraal fan Carlisle

Ut Wikipedy
Jump to navigation Jump to search
Katedraal fan Carlisle
Carlisle Cathedral Exterior, Cumbria, UK - Diliff.jpg
lokaasje
lân Flag of England.svg Ingelân
Greefskip County Flag of Cumbria.png Kumbria
plak Carlisle
adres 7 Abbey St, Carlisle CA3 8TZ
bysûnderheden
type bouwurk Katedraal
boujier 12e-14e iuw
boustyl Gotyk
oare ynformaasje
webside Side katedraal

De Katedraal fan Carlisle is in anglikaanske biskopstsjerke yn Carlisle, Kumbria, Ingelân. De tsjerke waard stifte as in augustynske priorij en waard katedraal yn 1133.

Fan de âlde Ingelske katedralen is it de op ien nei lytste katedraal. Fan it ynterieur binne benammen it stiennen byldhouwurk, de midsiuwske koerbanken en it grutte eastlike goatyske raam it neamen wurdich.

Skiednis[bewurkje seksje | boarne bewurkje]

De bou fan de katedraal begûn yn 1122 ûnder it bewâld fan kening Hindrik I as in kanunniketsjerke fan de oarder, dy't de krekte regels fan de Frânske abdij Arrouaise folge, beynfloede troch de asketyske tradysjes fan de sistersjinzers. Yn dy tiid woarden in soad tsjerken mei in Augustynske grûnslach boud yn Ingelân om't de aartsbiskop fan Canterbury, Willem fan Corbeil, by de oarder hearde, mar Carlisle is ien fan de mar fjouwer augustynske tsjerken dy't in katedraal waard, de measte Ingelske kleasterkatedralen binne lykwols benediktynsk.

Ynterieur

Yn 1133 krige de tsjerke de status fan katedraal; de earste biskop fan Carlisle wie Athelwold (1133-1355). Yn 1233 kamen der noch twa oare bruorskippen yn de stêd, tichteby de katedraal waarden in dominikaansk en in fransiskaansk kleaster boud. De katedraal waard yn de 13e en 14e iuw renovearre en krige in ympuls fanwegen de oanwêzigens fan it hôf fan Edwert I yn 1307.

Yn de 15e en 16e iuw waarden de kleastergebouwen fernijd. Mei it opheffen fan de kleasters yn 1536 en de stifting fan de Tsjerke fan Ingelân troch Hindrik VIII as de offisjele steatstsjerke ferdwûnen ek de dominikaanske en fransiskaanske bruorskippen út Carlisle. Krektas oare kleasterkatedralen waarden se tenei bestjoerd troch in sekulier kapittel, lykas dat yn Lincoln en York noch jimmeroan sa is.

De katedraal hie slim te lijen yn de tiid fan de Ingelske Boargerkriich. It Skotske Presbiteriaanske leger sloopte doe in diel fan it skip fan de katedraal om de stiennen te brûken foar de fersterking fan it kastiel fan Carlisle.

Tusken 1853 en 1870 waard de katedraal wer restaurearre troch Ewan Christian.

Ofmjittings[bewurkje seksje | boarne bewurkje]

Totale lingte 73 meter
Totale breedte 43 meter
Hichte yn de tsjerke 22 meter
Hichte fan de toer 33.5 meter

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Carlisle Cathedral