Jeleazarov-kleaster

Ut Wikipedy
Springe nei navigaasje Springe nei sykjen
Jeleazarov-kleaster

Елеазаров монастырь

Katedraal fan de trije Hiërargen
Katedraal fan de trije Hiërargen
lokaasje
lân Flag of Russia.svg Ruslân
oblast Flag of Pskov Oblast.svg Pskov
plak Flag of Pskov (Pskov oblast).png Pskov
koördinaten 58° 02' N 28° 11' E
bysûnderheden
type bouwurk Kleaster
boujier 16 iuw
monumintale status Kultureel monumint fan federaal belang
monumintnûmer 611310014010006
webside eleazarovo.ru

It Jeleazarov-kleaster (Russysk: Елеазаров монастырь; transliterearre: Eleazarov Monastyr) is in lyts otterdoks nonnekleaster, sa'n 25 kilometer noardlik fan de Russyske stêd Pskov. Eartiids wie it in kleaster foar muontsen, mar tsjintwurdich is it in nonnekleaster.

Skiednis[bewurkje seksje | boarne bewurkje]

It oan de wei fan Pskov nei Gdov lizzende kleaster waard yn 1447 stifte troch de boer Eleazar, dy't de kleasternamme Efrosin oannaam. Hy sette útein mei de bou fan in houten tsjerke, dy't oan de trije hillige hiërargen wijd waard. Nei syn dea op 15 maaie 1481 waard Efrosin dêr begroeven. Yn 1551 folge de hillichferklearing fan de stifter fan it kleaster.

De restaurearre kleastergebouwen

Yn it midden fan de 16 iuw waard it kleaster fortifisearre. Tanksij de gelearde hegumen Filofej krige it kleaster in romrofte namme. Oan him wurdt de "Legende fan de wite Kovel" taskreaun. Ek die hy yn in brief oan Vasili III oan it konsept fan Moskou as it Tredde Rome út de doeken. Under syn bestjoer waard it kleaster ferneamd fanwegen de ikoaneskilders. Ek de bou fan de noch jimmeroan besteande katedraal fûn yn dy tiid plak.

It kleaster waard al gau nei de Oktoberrevolúsje yn 1918 troch de bolsjewiken sletten en oerdroegen oan ferskate organisaasjes, lykas in sanatoarium foar bern mei tuberkulose. De tsjerke bleau noch wat langer iepen mar gyng yn 1920 ek ticht. De kleastergebouwen rekken yn de Sovjet-tiid slim yn it neigean en oant 1999 wiene der noch in bernekamp en wenromten yn fêstige.

It kompleks waard yn it jier 2000 wer iepene as in kleaster, mar no foar nonnen. De katedraal fan de trije grutte Hiërarchen waard doe wer restaurearre.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Yelizarov Convent