Imperial War Museum

Ut Wikipedy
Jump to navigation Jump to search
Imperial War Museum yn Londen

Imperial War Museum, frij fertaald: "Oarlochsmuseum fan it Britske Ryk", is in nasjonaal museum yn Londen.

It museum waard oprjochte yn 1917, yn't earstoan om de fallenen yn de Earste Wrâldoarloch te betinken. Doe't it oarspronlik pân ôfbaarnd wie (30 novimber 1936) moast der in nij ûnderkommem fûn wurde. Dit waard in gebou út 1815 oan de Lambeth Road yn Southwark, dat earder in psychiatrysk sikehûs west hie, it Bethlem Royal Hospital.

Fan 1939 ôf waard út ein set mei it oanlizzen fan in kolleksje Twadde Wrâldoarloch-materiaal en fan 1953 ôf waard it belied dat guod fan alle oarloggen fan it Feriene Keninkryk sammele wurde soe.

It museum hat in dependânse yn Duxfort en Manchester, it Imperial War Museum North.

It atrium 2009. Te sjen binne: 'Devil' in Mark V-tank; 'Ole Bill' in LGOC B-type bus, V-2 en Polaris raketten, 800 mm granaat fan Schwerer Gustav, en (sânkleurich, fierst rjochts) in Grant-tank dy't brûkt waard troch Bernard Montgomery. Oan't plafond hingje û.o. in Sopwith Camel, Heinkel He 162 en Supermarine Spitfire nûmer R/6915, dy't meidie oan de Slach om Ingelân
De nije hal, july 2014. Utstald binne ûnder oaren in Supermarine Spitfire, V-1, V-2, in Harrier Jump Jet en Jeremy Deller's Baghdad, 5 March 2007, it wrak fan in ferneatige auto út de Irakkriich.

Keppeling om utens[bewurkje seksje | boarne bewurkje]