Holzfeld

Holzfeld
De tsjerke fan Holzfeld
Polityk
Lân	Dútslân
dielsteat	Rynlân-Palts
lânkring	Rhein-Hunsrück-Kreis
Stedsyndieling	Boppard
Sifers
Ynwennertal	432 (2019)
Oerflak	2,05 km²
Befolkingsticht.	210 ynw./km²
Hichte	290 meter boppe seenivo
Oar
Postkoade	56154
Koördinaten	50° 09'N 7° 38'E
Kaart

Holzfeld is it meast súdlike doarp fan de tsien Ortsbezirken fan de Dútske gemeente Boppard, Rynlân-Palts (Rynlân-Palts).

It doarp wie eartiids in selsstannige gemeente, mar makket sûnt 31 desimber 1975 part út fan de gemeente Boppard. Fanwegen de boskrike omkriten it in doarp in populêr begjin foar it meitsjen van langere kuiertochten. Dêrnjonken wurdt it lânskip om Holzfeld hinne foarme troch fjilden en hôvings. Holzfeld leit oan de noch net sa lang lyn oanleine Rhein-Burgen-Wanderweg.

Sûnt 2002 heart Holzfeld, as part fan de Stêd Boppard, by it Wrâlderfskip "Kultuerlânskip Boppe Middenryndelte" fan UNESCO.

Namme

De namme Holzfeld is te tankjen oan de geografyske lokaasje en stammet út it Middelheechdútsk: Hals betsjut smel útrinnende hichte.

Mynbou

Earder besykjen om by Holzfeld koper en sink te dollen mislearren, mar yn 1867 waard der op in diepte fan mear as 500 meter troch de Carlsgrube lead wûn. Ien fan de skachten rûn sels ûnder de Ryn troch en tsjinne as ferbining mei oare minen op de rjochter kant fan de Ryn. Yn 'e Twadde Wrâldkriich waarden de minen by loftoanfallen as skûlplak brûkt. Koart nei de kriich waard de myn slúten. Ek hjoed-de-dei binne der yn it boskgebiet fan Holzfeld noch oantinkens oan de mynbou te finen.

De tsjerke

Op in ferheging yn it noardwestlike diel fan it doarp stiet de protestanske tsjerke út de 16e iuw. De toer is midsiuwsk. Eartiids lei der om de wartsjerke in hege muorre. Yn de tsjerke stiet in seishoekich doopfont fan basaltlava út de foargoatyske tiid.

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Holzfeld fan Wikimedia Commons.