Boppard

Ut Wikipedy
Jump to navigation Jump to search
Boppard
Boppard Stadszicht vanuit het noorden.jpg
Flagge Wapen
DEU Boppard COA.svg
Sifers
Ynwennertal 15.212 (31-12-2014)
Oerflak 74,93 km²
Befolkingstichten 203 /km²
Hichte 152 m. boppe seenivo
Polityk
Lân Flag of Germany.svg Dútslân
Dielsteat Flag of Rhineland-Palatinate.svg Rynlân-Palts
Landkreis Rhein-Hunsrück-Kreis
Oar
Tiidsône UTC+1
Simmertiid UTC+2
Webside www.boppard.de

Boppard is in stêd yn it Rhein-Hunsrück-Kreis yn de Dútske dielsteat Rynlân-Palts, dy't as gemeente yn syn hjoeddeistige foarm bestiet sûnt de bestjoerlike weryndieling fan 1975. De stêd telt 7.509 ynwenners (30.06.2015). Mei de plakken dy't by de gemeente Boppard hearre telt Boppard 15.915 ynwenners. Boppard is in wichtich toeristysk sintrum oan de Ryn en alle jierren ferwolkomt de stêd tûzenen gasten.

Lokaasje[bewurkje seksje | boarne bewurkje]

Bopparder Hamm
Wintersk lânskip oer de gemeente Boppard by Rheinbay

De stêd leit oan de Midden-Ryn yn it sintrum fan it UNESCO-wrâlderfgoed Bopperin fan de Midden-Ryndelte. De eastelike grins fan de gemeente wurdt foarme troch de de Rynigge. Lâns dizze natuerlike grins lizze mei de stêd ek de doarpen Bad Salzig en Hirzenach. Noardlik fan de stêd strekt sich de grutste bocht fan de Ryn ut, de Bopparder Hamm, dêr't it grutste wynbouareaal fan dit diel fan de Ryn leit. De Vierseenblick jout in prachtich útsicht oer dizze bocht. Troch't de rotsen fan de Vierseenblick ôf it sicht op de Ryn foar in part weinimme liket it oft men útsjocht op fjouwer marren ynstee fan ien en deselde rivier. In oar plak dat in moai útsicht oer de Ryn biedt is de saneamde Gideonseck.

It stedsbosk mei in oerflak fan 43,6 km² is it op ien nei grutste bosk fan de dielsteat. Sûnt 1969 heart de stêd Boppard ta it Landkreis Rhein-Hunsrück-Kreis.

Ortsbezirk Ynwenners
Boppard-Stêd mei it plak Buchenau 7.509
Bad Salzig 2.440
Buchholz met de plaats Ohlenfeld 2.674
Herschwiesen mei it plakje Windhausen 315
Hirzenach 283
Holzfeld 415
Oppenhausen 832
Rheinbay 205
Udenhausen mei it plakje Hübingen 490
Weiler 752

Bysûnderheden fan Boppard[bewurkje seksje | boarne bewurkje]

  • It Römerpark mei de ruïnes fan Romeinske fêstingwurken út de 4e iuw.
  • Yn de Âlde Boarch (Alte Burg) oan de wâl fan de Ryn is it Stedsmuseum ûnderbrocht.
  • De Sint-Severustsjerke mei har dûbele tuorren mei har sûnt 2015 in basilyk neame.
  • De Karmelitertsjerke oan de Karmeliterstraße waard yn de 14e en 15e iuw as in goatyske kleastertsjerke by it barokke kleaster boud. It ynterieur fan de tsjerke is ryk oan keunstwurken.
  • It kleaster Marienberg is in stifting út likernôch 1120. It grutste monumint fan de gemeente stiet der lykwols slim fertutearze by en wachtet al jierren op in restauraasje.
  • Oan de Pastorsgasse leit de protestantske Kristustsjerke.
  • Oan de Bingergasse 35 stiet de eardere synagoge fan Boppard. Op it suden fan de Bingergasse stiet de Binger poarte.
  • De kapel op'e Kreuzberg waard tusken 1709-1724 as ûnderdiel fan in krektlyn restaurearre krúswei oprjochte, dý't oan de 346 meter lange Stationenweg leit.
  • It eardere Fransiskaner kleaster mei de tsjerke oan de Franziskanerstraße datearret út de 17e-18e iuw.
  • It eardere Sint-Martenskleaster oan de Mainzer Straße út de iere 16e iuw hat in grutte kleastertún.
  • Ferspraat yn de stêd binne meardere fakwurkhuzen it besjen wurdich, benammen yn it gebiet om de Severustsjerke hinne.
  • It museum beskikt oer in grut tal modellen fan de meubelmakker Thonet, dy't yn Boppard syn earste bedriuw begûn.

Monuminten yn de gemeente Boppard[bewurkje seksje | boarne bewurkje]

  • Yn de gemeente Boppard stiet de boarch Schöneck yn Windhausen by Herschwiesen.
  • De Bartoloméustsjerke mei de proasdijgebouwen yn Hirzenach
  • De neo-goatyske Sint-Egidiustsjerke fan Bad Salzig
  • De barokke Sint-Pancratiustsjerke fan Herschwiesen
  • De Sint-Pitertsjerke fan Weiler

Keppeling om utens[bewurkje seksje | boarne bewurkje]