Henk van Os
| Henk van Os | ||
.jpg)
| ||
| Henk van Os yn 2014 | ||
| persoanlike bysûnderheden | ||
| nasjonaliteit |  Nederlânsk
| |
| berne | 1938 | |
| berteplak | Hurderwyk | |
| wurkpaad | ||
| berop/amt | Keunsthistoarikus, heechlearaar | |
| reden bekendheid |
Telefyzjeprogramma's oer keunst | |
Hendrik Willem van Os (Hurderwyk, 28 febrewaris 1938) is in Nederlânsk keunsthistoarikus. Hy wie ûnder oare heechlearaar Keunst- en kultuerskiednis, direkteur fan it Ryksmuseum Amsterdam en telefyzepresintator fan keunstprogramma's.
Wurkpaad[bewurkje seksje | boarne bewurkje]
Henk van Os studearre keunstskiednis oan de Ryksuniversiteit Grins, dêr't syn heit, Frederik van Os, twa perioaden rektor-magnifikus fan wie. Ek studearre er in skoft yn Rome. Yn 1969 promovearre er yn Grins; fiif jier letter waard er dê heechlearaar Keunst- en Kultuerskiednis. Tusken 1984 en 1989 wie er teffens dekaan fan de Letterenfakulteit yn Grins. Fan 1989 oant 1996 wie die direkteur fan it Ryksmuseum Amsterdam en dêrnei universiteitsheechlearaar Keunst en Maatskippij oan de Universiteit fan Amsterdam.
Van Os waard by it grutte publyk bekend troch it presintearjen fan tf-programma's lykas Beeldenstorm fan de AVRO en Museumschatten fan de VARA, dy't ta doel hienen om keunst, benammen skilderkeunst, by in grut publyk ûnder de oandacht te bringen.
Ek organisearre er bûten it Ryksmuseum om ferskate grutte tentoanstellingen, ûnder mear yn it Grinzer Museum, de Nije Tsjerke yn Amsterdam, it Mauritshûs en Museum Catharijneconvent yn Utert.
Yn 2012 ferskynde in boek mei brieven dy't Van Os skreau mei syn soan Pieter. De brieven geane oer de driuw ta godstsjinst fan heit Van Os.
Van Os krige út wurdearring foar syn wurk in protte binnen- en bûtenlânske ûnderskiedingen, bygelyks de seldsume Earemedalje foar Keunst en Wittenskip behearend by de Hûsoarder fan Oranje. [1] [2]
| Boarnen, noaten en/as referinsjes: |
|
Boarnen
Referinsjes
|