Henk Borger

Ut Wikipedy
Jump to navigation Jump to search

Henk Borger (De Plasse, Terwispel, 1939) is in ûnderwizer en publisist.

Borger is hikke en tein yn De Plasse, mar hat op De Tynje nei skoalle gien. Hy hat trochleard foar skoalmaster en hy wurke as ûnderwizer op De Gordyk, yn Havelte en Gythoarn. Underwyls helle er akten foar Ingelsk, Dútsk en biology. Sa'n tritich jier hat er learaar west op de mulo, letter de mavo fan Grou. Dêr hâldt er anno 2010 noch ta, tegearre mei syn frou, Maike Bok fan de Lúkster heawei op De Tynje.

Yn 2007 hat Borger, mei stipe fan syn dochter Ciska it boek Herinneringen aan de Plasse. Van Janssenstichting tot Brêgeleane (sjoch: Janssenstifting) skreaun en útjûn. It boek befettet, mei moaie foto's derby, op de kop ôf 58 werkenbere ferhalen oer werkenbere lju út de tiid om 1950 hinne. Sels it ferkearsbuordsje dat oan de iene kant de Alde Dyk opwiist en oan de oare kant de Mouwewei, stiet deryn.

It boek is net yn 'e hannel, mar wol te besstellen by de skriuwer.

Boarnen, noaten en referinsjes[boarne bewurkje]

Boarnen, noaten en/as referinsjes: