Hendrik Willem Caspari
Hendrik Willem Caspari (Wesel am Rhein, 28 jannewaris 1770 - Amsterdam, 8 septimber 1829) wie in Nederlânsk keunstskilder, tekener en graveur fan Dútsk komôf.[1]
Libben en wurk
[bewurkje seksje | boarne bewurkje]Caspari ferhuze al op jonge jierren, yn 1776, nei Amsterdam. Dêr waard er oplaat ta behangskilder en gie er oan 't wurk yn it behangselfabryk fan Jan Hendrik Troost van Groenendoelen. Oan Felix Meritis, in keunstsinnich genoatskip dat 1777 yn Amsterdam oprjochte waard, krige er ûnderrjocht yn tekenjen en skilderjen fan Geerlig Grijpmoed en Jan Hendrik van Grootvelt. Hy ûntjoech him ta portrettist. Hy makke portretten fan ûnder oaren Hendrik Laurenss. Spiegel, Gijsbert Karel van Hogendorp, Leopold van Limburg Stirum, Rhijnvis Feith en Hendrik Tollens. In soad fan syn tekene portretten waarden gravueres fan makke troch Jacob Ernst Marcus. Caspari makke sels ek gravueres fan syn portretten.[2] Caspari wie lid fan it Kunstbevorderend Genootschap V.W. yn Amsterdam.
Hy stoar yn de âldens fan 59 jier yn Amsterdam.
-
Portret fan Bredero -
Portret fan ûnbekend persoan -
Portret fan ûnbekend persoan -
Portret fan Samuel Iperuss. Wiselius -
Felix Meritis tekene fan Caspari, 1822
 |
Ofbylden dy't by dit ûnderwerp hearre, binne te finen yn de kategory Hendrik Willem Caspari fan Wikimedia Commons. |
| Boarnen, noaten en/as referinsjes: |
|