Havelberg

Ut Wikipedy
Springe nei navigaasje Springe nei sykjen
Havelberg
Havelberg in SDL.png De stêd yn de lânkring Stendal
Flagge Wapen
Gjin Flagge (Bekend).PNG DE-ST 15-0-90-225 Havelberg COA.png
Sifers
Ynwennertal 6.436 (31.12.2020)
Oerflak 149,12 km²
Befolkingstichtens 43 / km²
Hichte 26 m
Polityk
Lân Flag of Germany.svg Dútslân
Dielsteat Flag of Saxony-Anhalt.svg Saksen-Anhalt
Lânkring Flagge Landkreis Stendal.svg Stendal
Oar
Tiidsône UTC+1
Simmertiid UTC+2
Koördinaten 52° 49´N 12° 4´E
Webside www.havelberg.de

Havelberg is in hânzestêd yn de lânkring Stendal yn de Dútske dielsteat Saksen-Anhalt.

Skiednis[bewurkje seksje | boarne bewurkje]

Havelberg leit oan de rivier de Havel, likernôch 14 kilometer boppe it plak dêr't de Havel yn 'e Elbe útmûnet. Kening Otto I liet op de domberch in bisdom stiftsje mei missysintrum om de Westslaven te kristenjen. De Wenden wisten yn 983 by in grutte opstân it bisdom lykwols werom te feroverjen en de Dútske foarsten waarden oer de Elbe weromdreaun. Nei 150 jier slagge it kening Lotharius III yn 1130 de Havelberg wer yn te nimmen. De soannen fan de Slavenfoarst Wirikind wisten seis jier letter noch ienris Havelberg foar in lyts skofke werom te feroverjen, foardat Albrecht de Bear it plak definityf by it ryk foege.

Havelberg krige yn it jier 1151 it stedsrjocht. Al sûnt de stifting fan de Hânze hearde Havelberg by it bûn.

De seeskipswerf brocht de stêd yn 1688 nije ekonomyske ympulzen. De bou fan seeskippen brocht de stêd oer de lânsgrinzen hinne grutte faam.

Yn 1716 troffen de Russyske tsaar Peter de Grutte en de Prusyske kening Freark Willem I inoar yn Havelberg. Hja wikselen inoar geskinken út en Prusen joech de barnstienkeamer (yn Tsarskoje Selo), wylst Ruslân soldaten levere foar it Prusyske reuzenrezjimint de Lange Kerls (de lange keardels fanwegen harren ûngewoane lingte).

Geografy[bewurkje seksje | boarne bewurkje]

De stêd leit yn it uterste noardeasten fan de dielsteat Saksen-Anhalt oan de Havel. Yn it noarden en easten grinzget Havelberg oan de trije lânkringen Prignitz, Ostprignitz-Ruppin en Havelland.

Stedsyndieling[bewurkje seksje | boarne bewurkje]

  • Damerow
  • Garz
  • Havelberg
  • Jederitz
  • Kuhlhausen
  • Kümmernitz
  • Müggenbusch
  • Nitzow
  • Toppel
  • Vehlgast
  • Waldfrieden
  • Warnau
  • Wöplitz

It besjen wurdich[bewurkje seksje | boarne bewurkje]

  • Domtsjerke fan Havelberg (1279-1330)
  • Sint-Annakapel (15e iuw)
  • Sint-Laurentiustsjerke (15e iuw)
  • Kapel Sint-Spiritushospitaal (1400)
  • Riedshûs

Musea[bewurkje seksje | boarne bewurkje]

  • Prignitz-Museum

Eveneminten[bewurkje seksje | boarne bewurkje]

  • Yn it earste wykein fan septimber wurdt alle jierren yn Havelberg de tradisjonele hynstemerk holden.

Ofbylden[bewurkje seksje | boarne bewurkje]