Besjoch de boarne foar Have Yourself a Merry Little Christmas

{{Liet
| ôfbylding                       = 
| ôfbyldingstekst                 = 
| ôfbyldingsbreedte               = 
| namme                           = ''Have Yourself <br>a Merry Little Christmas''
| oarspronklike útfierende artyst = [[Judy Garland]] <br>&nbsp;&nbsp;&nbsp;yn ''[[Meet Me in St. Louis (film út 1944)|Meet Me in St. Louis]]''
| album                           = 
| taal                            = [[Ingelsk]]
| sjenre                          = [[kryst]]ferske
| útbrocht                        = [[1944]]
| opnommen                        = [[1944]]
| doer                            = ôfhinklik fan ferzje
| label                           = [[Leo Feist, Inc.]]
| skriuwer                        = [[Hugh Martin (tekstskriuwer)|Hugh Martin]] 
| komponist                       = [[Ralph Blane]]
| produsint                       = 
| ferkocht                        = 
| hitlisten                       = 
| prizen                          = 
| sertifisearre                   = [[File:Flag of Denmark.svg|border|17px]]&nbsp;&nbsp;[[File:Gold record icon.svg|20px]] <small>([[gouden plaat|goud]], [[Sam Smith]])</small> <br>[[File:Flag of the United Kingdom.svg|border|20px]] [[File:Gold record icon.svg|20px]] <small>(goud, Sam Smith)</small> <br>[[File:Flag of the United States.svg|border|20px]] [[File:Gold record icon.svg|20px]] <small>(goud, Sam Smith)</small> <br>[[File:Flag of Italy.svg|border|20px]] [[File:Gold record icon.svg|20px]] <small>(goud, [[Michael Bublé]])</small> 
| covers                          = û.o. [[Frank Sinatra]], [[Bing Crosby]], <br>[[Doris Day]], [[Ella Fitzgerald]], [[Luther Vandross|Luther<br>Vandross]], [[Tori Amos]], [[Lorna Luft]], <br>[[Michael Bublé]], [[Christina Aguilera]], <br>[[John Legend]], [[Sam Smith]]
| útfierings                      = 
}}
{{Oar|it bekende krystferske|Have Yourself a Merry Little Christmas (betsjuttingsside)}}
'''''Have Yourself a Merry Little Christmas''''' is in tige bekend [[Ingelsk]]talich [[sekularisaasje|sekulier]] [[kryst]]ferske, wêrfan't de [[titel (namme)|titel]] betsjut "Fier foar Dysels in Fleurich Lyts Krystke". It waard yn [[1943]] skreaun troch [[tekstskriuwer]] [[Hugh Martin (tekstskriuwer)|Hugh Martin]] en [[komponist]] [[Ralph Blane]] foar de [[Feriene Steaten|Amerikaanske]] [[filmmusical]] ''[[Meet Me in St. Louis (film út 1944)|Meet Me in St. Louis]]''. Yn dy tige [[populêr]]e [[film]], dy't yn [[1944]] yn 'e [[bioskopen]] kaam, waard it liet [[songen]] troch [[aktrise]] [[Judy Garland]], dy't beskate feroarings yn 'e oarspronklike [[liettekst]] ôftwong. Letter liet [[Frank Sinatra]] de tekst foar syn [[cover (muzyk)|coverferzje]] noch fierder feroarje. It is de ferzje fan Sinatra dy't tsjintwurdich ornaris oanholden wurdt. 

==Skiednis==
''Have Yourself a Merry Little Christmas'' wie ien fan ferskate [[liet]]en dy't [[tekstskriuwer]] [[Hugh Martin (tekstskriuwer)|Hugh Martin]] en [[komponist]] [[Ralph Blane]] yn [[1943]] yn opdracht fan [[filmstudio]] [[Metro-Goldwyn-Mayer]] (MGM) skreaune foar de oankommende [[filmmusical]] ''[[Meet Me in St. Louis (film út 1944)|Meet Me in St. Louis]]'', dy't [[1944|it jiers dêrop]] yn 'e [[bioskopen]] útbrocht waard. Yn 'e film wurdt it ferske [[songen]] troch [[aktrise]] [[Judy Garland]] yn 'e rol fan Esther Smith, dy't har jongere [[suster|suske]] Tootie (spile troch [[Margaret O'Brien]]) besiket te [[treast]]gjen yn ferbân mei in oankommende [[ferhuzing]] (tusken de [[kryst]] en [[âld en nij]]) fan 'e hiele [[húshâlding]] fan [[St. Louis]] nei [[New York (stêd)|New York]] omreden fan it [[wurk]] fan harren [[heit]].

Garland fûn de oarspronklike begjinregels te somber en [[regisseur]] [[Vincente Minnelli]] wie it mei har iens en liet se troch Martin feroarje. De oarspronklike regels wiene: "''Have yourself a merry little Christmas / It may by your last / Next year we may all be living in the past''": "Fier foar dysels in fleurich lyts krystke / It soe wolris dyn lêste wêze kinne / Takom jier kinne we allegear skoan yn it ferline libje" (d.w.s. [[dea]] wêze). Garland har ferzje fan it liet waard ek útbrocht as [[single (muzyk)|single]] troch [[platemaatskippij]] [[Decca Records]] en berikte it 27e plak yn 'e [[Billboard (tydskrift)|''Billboard''-hitlisten]]. It ûntjoech him ta in tige [[populêr]] ferske, benammen mank de [[Feriene Steaten|Amerikaanske]] [[troepen]] dy't yn 'e [[Twadde Wrâldoarloch]] fochten. 

Yn syn [[autobiografy]] bewearde Martin folle letter dat hysels sawol de [[liettekst]]en as de [[meldij]]en skreaun hie foar alle nije lieten yn ''Meet Me in St. Louis'', en dat Ralph Blane dêr hielendal net by belutsen west hie. Neffens Martin soed er tastien hawwe dat Blane dêr yn gelikense mjitte foar neamd en [[royalty]]s foar útbetelle krige, om't hy (Martin) dat sels ferkeard regele hie, sadat "dizze bizarre sitewaasje" syn eigen skuld wie. Hy wiet dat oan syn "nayf en freeslik gebrek oan talint foar saaklike dingen". 
[[File:Meet_Me_In_St_Louis_Judy_Garland_Margaret_O'Brien_1944.jpg|right|thumb|200px|[[Margaret O'Brien]] as Tootie en [[Judy Garland]] as Esther Smith yn ''[[Meet Me in St. Louis (film út 1944)|Meet Me in St. Louis]]''.]]

[[Frank Sinatra]] [[cover (muzyk)|covere]] it liet foar it earst yn [[1948]], en letter died er dat nochris yn [[1957]] en [[1963]]. Foar de ferzje fan [[1957]] naam er kontakt op mei Hugh Martin, oan wa't er fertelde dat syn nije [[album (muzyk)|album]] ''[[A Jolly Christmas from Frank Sinatra|A Jolly Christmas]]'' ("In Fleurige Kryst") hiet, en frege oft er ''Have Yourself a Merry Little Christmas'' net wat "opfleurje" koe. Dêrop ferfong Martin de regel "''Until then we'll have to muddle through somehow''" ("Oant dy tiid moatte we mar sjen dat we it op 'e iene of oare manear rêde") troch "''Hang a shining star upon the highest bough''" ("Hingje in strieljende stjer oan 'e heechst tûke"). Hy paste ek wat lytsere dinkjes oan; sa feroare er de [[dantiid]] yn 'e [[notiid]], sadat it fokus fan it liet ferkood waard fan in ferwachting fan in bettere [[takomst]] nei in fiering fan hjoeddeistige [[gelokkigens]]. 

De ferzje fan Sinatra wurdt sûnt troch frijwol eltsenien oanholden; yn ''[[The Judy Garland Show Christmas Special]]'', út [[1963]], song ek Judy Garland dy ferzje foar har [[bern (persoan)|bern]] Joey en [[Lorna Luft]]. Yn [[2001]] skreau Martin in folslein nije, [[religieuze]] [[liettekst]] y.g.m. [[John Fricke]], ''Have Yourself a Blessed Little Christmas'' (Fier foar Dysels in Seinge Lyts Krystke"). Dy waard opnommen troch [[gospel]]sjongster [[Del Delker]], mei begelieding fan Martin sels op 'e [[piano]], mar berikte nea grutte populariteit.

==Tekst==
De [[liettekst]] fan ''Have Yourself a Merry Little Christmas'' yn 'e tsjintwurdich gongbere ferzje is:
{{Kolommen3
|Kolom1=
<big>Ingelske tekst</big>

Have yourself a merry little Christmas<br>
Let your heart be light<br>
From now on<br>
Your troubles will be out of sight<br>

Have yourself a merry little Christmas<br>
Make the Yule-tide gay<br>
From now on<br>
Your troubles will be miles away<br>

Here we are as in olden days<br>
Happy golden days of yore<br>
Faithful friends who are dear to us<br>
Gather near to us once more<br>

Through the years<br>
We'll always be together<br>
If the Fates allow<br>
Hang a shining star upon the highest bough<br>

So have yourself a merry little Christmas<br>
Have yourself a merry little Christmas<br>
So have yourself a merry little Christmas now<br>
|Kolom2=
<big>Fryske proaza-oersetting</big>

Fier foar dysels in fleurich lyts krystke<br>
Lit dyn hert licht wêze<br>
Fan no ôf oan<br>
Sille dyn swierrichheden út it sicht wêze<br>

Fier foar dysels in fleurich lyts krystke<br>
Meitsje de krysttiid optein<br>
Fan no ôf oan<br>
Sille dyn swierrichheden milenfier fuort wêze<br>

Hjir binne we, lykas yn dagen by âlds<br>
Gelokkige gouden dagen fan alear<br>
Trouwe freonen dy't ús dierber binne<br>
Komme wer deunby ús gear<br>

Troch de jierren hinne<br>
Sille wy altyd mei-inoar wêze<br>
As de [[Skikgoadinnen]] dat tasteane<br>
Hingje in strieljende stjer oan 'e heechste tûke<br>

Dus fier foar dysels in fleurich lyts krystke<br>
Fier foar dysels in fleurich lyts krystke<br>
Dus fier foar dysels in fleurich lyts krystke no<br>
|Kolom3=

}}

==Covers==
''Have Yourself a Merry Little Christmas'' waard al ier, behalven troch [[Frank Sinatra]], ek [[cover (muzyk)|covere]] troch û.o. [[Ella Fitzgerald]] op har [[album (muzyk)|album]] ''[[Ella Wishes You a Swinging Christmas]]'' ([[1960]]), [[Bing Crosby]] op ''[[I Wish You a Merry Christmas (album fan Bing Crosby)|I Wish You a Merry Christmas]]'' ([[1962]]) en [[Doris Day]] op ''[[The Doris Day Christmas Album]]'' ([[1964]]). Yn [[1995]] brocht [[Lorna Luft]] it liet út yn 'e foarm fan in 'firtueel [[duët]]' mei har [[mem]] [[Judy Garland]], dy't it yn [[1963]] songen hie yn in [[tillefyzjespecial|krystspecial]] fan ''[[The Judy Garland Show]]''. Dy ferzje berikte it 100e plak yn 'e [[Feriene Keninkryk|Britske]] [[UK Singles Chart]]. 

Datselde jier brocht ek [[Luther Vandross]] in ferzje fan it liet út op syn album ''[[This Is Christmas (album fan Luther Vandross)|This Is Christmas]]''. Yn [[1998]] song [[Tori Amos]] ''Have Yourself a Merry Little Christmas'' op 'e [[B-kant]] fan har single ''[[Spark (liet fan Tori Amos)|Spark]]''. [[James Taylor (sjonger)|James Taylor]] naam yn [[2002]] in ferzje op syn album ''[[October Road (album fan James Taylor)|October Road]]'' op. De ferzje dy't de [[Kanada|Kanadeeske]] [[sjonger]] [[Michael Bublé]] yn [[2011]] útbrocht, klom op ta it 49e plak yn 'e Amerikaanske [[Billboard Hot 100|''Billboard'' Hot&nbsp;100]] en waard in [[gouden plaat]] yn [[Itaalje]].

De ferzje fan [[Christina Aguilera]] út [[2014]] helle it 31e plak yn deselde [[hitlist]] en it 100e plak yn 'e [[Nederlân]]ske [[Single Top 100 (Nederlân)|Single Top&nbsp;100]]. Datselde jiers brocht de [[Ingelân|Ingelske]] sjonger [[Sam Smith]] ek in ferzje fan ''Have Yourself a Merry Little Christmas'' út, dy't yn 'e top&nbsp;10 fan 'e Amerikaanske en Kanadeeske hitlisten binnenkrong, en yn [[Finlân]], [[Noarwegen]], [[Sweden]], [[Denemark]], [[Tsjechje]], [[Slowakije]] en [[Switserlân]] de top&nbsp;40 helle. Dy single waard [[sertifikaasje fan muzykferkeap|sertifisearre]] as [[gouden plaat]] yn 'e [[Feriene Steaten]], it [[Feriene Keninkryk]] en [[Denemark]]. Yn [[2018]] brocht [[John Legend]] in ferzje fan it liet út, dy't it earste plak yn guon Amerikaanske hitlisten helle.

==Keppelings om utens==
*{{en}}[https://www.youtube.com/watch?v=CreWsnhQwzY ''Have Yourself a Merry Little Christmas'' yn 'e ferzje fan Judy Garland yn 'e film ''Meet Me in St. Louis'' op YouTube]
*{{en}}[https://www.youtube.com/watch?v=-tJtsKngXJU ''Have Yourself a Merry Little Christmas'' yn 'e ferzje fan Frank Sinatra op YouTube]
*{{en}}[https://www.youtube.com/watch?v=l3l83C-we-k ''Have Yourself a Merry Little Christmas'' yn 'e ferzje fan Michael Bublé op YouTube]
*{{en}}[https://www.youtube.com/watch?v=9LVWsXau1BU ''Have Yourself a Merry Little Christmas'' yn 'e ferzje fan Christina Aguilera op YouTube]
*{{en}}[https://www.youtube.com/watch?v=rnEqv8WcVq8 ''Have Yourself a Merry Little Christmas'' yn 'e ferzje fan Sam Smith op YouTube]

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/Have_Yourself_a_Merry_Little_Christmas ''References'', op dizze side].
}}
{{DISPLAYTITLE:''{{PAGENAME}}''}}

[[Kategory:Musicalliet]]
[[Kategory:Muzikaal wurk fan Frank Sinatra]]
[[Kategory:Muzikaal wurk fan Bing Crosby]]
[[Kategory:Muzikaal wurk fan Doris Day]]
[[Kategory:Muzikaal wurk fan Ella Fitzgerald]]
[[Kategory:Muzikaal wurk fan Tori Amos]]
[[Kategory:Muzikaal wurk fan Christina Aguilera]]
[[Kategory:Muzikaal wurk fan Michael Bublé]]
[[Kategory:Muzikaal wurk fan John Legend]]
[[Kategory:Muzikaal wurk fan Sam Smith]]
[[Kategory:Krystliet]]
[[Kategory:Jazz-liet]]
[[Kategory:Muzikaal wurk út 1944]]
[[Kategory:Single út 1944]]
[[Kategory:Single út 1948]]
[[Kategory:Single út 1963]]
[[Kategory:Single út 1995]]
[[Kategory:Single út 1998]]
[[Kategory:Single út 2011]]
[[Kategory:Single út 2014]]
[[Kategory:Single út 2016]]
[[Kategory:Single út 2018]]
[[Kategory:Ingelsktalich liet]]