Fredehiem

Ut Wikipedy
Jump to navigation Jump to search
Fredehiem

Fredehiem is de beneaming fan it eardere tsjerkegebou fan de Frijsinnich Herfoarmden oan it Lytssân yn de binnenstêd fan Snits.

De Frijsinnich Herfoarme Frouljusgroep Fredehiem waard oprjochte yn 1933 en huzet yn it pân Lytssân 18. Sûnttiids makket it pân diel út fan it Frysk Skipfeart Museum. It gebou, fan oarsprong in wenhûs, stammet út 1813 en is boud nei ûntwerp fan stedsarsjitekt A. Bruinsma.

Fredehiem is ien fan de ryksmonuminten yn de stêd Snits, ûnder mear fanwege de oanwêzichheid fan in mezzaninoferdjipping en in skylddak mei hoekskoarstiens. Ek de omliste doar, sniene kroanlist en 4 stoeppeallen meitsje it ryksmonumintweardich.