Filmfestival fan New Orleans

Ut Wikipedy
Filmfestival fan New Orleans
New Orleans Film Festival
New Orleans Film Festival Logo.png
plak en tiid
lân Flag of the United States.svg Feriene Steaten
steat Flag of Louisiana.svg Louisiana
parish Flag of New Orleans, Louisiana.svg Orleans Parish
plak Flag of New Orleans, Louisiana.svg New Orleans
tiid fan it jier mids oktober
bysûnderheden
ôfkoarting NOFF
soarte evenemint filmfestival
bestean 1989 – no
org. troch New Orleans Film Society
offisjele webside
www.neworleansfilmfestival.org

It Filmfestival fan New Orleans (Ingelsk: New Orleans Film Festival), soms ôfkoarte ta NOFF, is in filmfestival dat elts jier mids oktober holden wurdt yn 'e stêd New Orleans, yn 'e Amerikaanske steat Louisiana. It evenemint wurdt wol "Cannes oan 'e Mississippy" neamd, ferwizend nei it toanoanjaande Ynternasjonaal Filmfestival fan Cannes, yn súdlik Frankryk.

Skiednis[bewurkje seksje | boarne bewurkje]

It Filmfestival fan New Orleans waard foar it earst holden yn 1989. De organisaasje is yn 'e hannen fan 'e New Orleans Film Society, in filmgenoatskip dat datselde jiers oprjochte waard. Sûnt wurdt it evenemint elts jier holden om 'e midden fan 'e moanne oktober hinne. Yn syn skiednis is it Filmfestival fan New Orleans mar ien kear net trochgien; dat wie yn 2005, doe't New Orleans troffen en fierhinne ûnder wetter set wie troch de orkaan Katrina. Fierders is it altyd holden, sels yn 2020, yn 'e midden fan 'e koroanafiruspandemy, doe't it fierhinne in digitaal barren wie. Tsjin 2018 wie it Filmfestival fan New Orleans útgroeid ta in ynternasjonaal respektearre evenemint mei fertoanings fan likernôch 240 films, dêr't elts jier mear as 400 filmmakkers op ôf kamen en in publyk fan 20.000 oant 25.000 minsken.

Prizen[bewurkje seksje | boarne bewurkje]

  • priis foar de bêste lange film
  • priis foar de bêste lange dokumintêre
  • priis foar de bêste lange film út Louisiana
  • publykspriis foar de bêste ferheljende lange film
  • publykspriis foar de bêste lange film út Louisiana

Der is ek in senarioskriuwerswedstryd op it Filmfestival fan New Orleans, dy't bestiet út trije kategoryen: koarte film, episoadyske film en lange film. Winners út alle trije kategoryen en de bêste dielnimmers út Louisiana út alle trije kategoryen ûntfange in jildpriis.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.