Victoria (Seysjellen)

	Victoria
	Bestjoer
Lân	Seysjellen
Eilân	Mahee
	Sifers
Ynwennertal	26.450(2010)
Befolkingsticht.	55,6/ km²
	Oar
Stifting	1778
Koördinaten	4° 37' SB, 55° 27' EL

Victoria (ek wol Port Victoria of Mahé) is de haadstêd fan de Seysjellen en leit op de noardeastlike kant fan it eilân Mahee.^[1] Likernôch in tredde fan de befolking fan de Seysjellen wennet yn Victoria. De stêd is stifte as residinsje fan it Britske koloniaal bestjoer.

De eksport út Victoria wei bestiet foar it meastepart út fanylje, kokosnuten, kokosnute-oalje, skyldpoddeskylden, sjippe en gûano.

It besjen wurdich binne:

in klokketoer boud nei foarbyld fan de Big Ben yn Londen
it gerjochtsgebou
de Victoria botanyske tunen
it Victoria Nasjonaal museum foar de skiednis
it Victoria nasjonaal natuerhistoarysk museum
de Sir Selwyn-Clarke Market

De stêd hat it nasjonaal stadion en in polytechnysk ynstitút. De binnenhaven leit fuort east fan de stêd; tonyn- en oare fiskerij en ynblikjen fan fisk hawwe grutte lokale ekonomyske betsjutting.

It fleanfjild Seychelles International Airport waard yn 1971 foltôge. In grutte brêge yn Victoria waard ferneatige troch de tsûnamy troch de ierdskodding yn de Yndyske Oseaan yn 2004.