Festival foar Amerikaanske Films fan Deauville
| Festival foar Amerikaanske Films fan Deauville | ||
| plak en tiid | ||
| lân |  Frankryk
| |
| regio |  Normanje
| |
| departemint |  Calvados
| |
| plak | Deauville | |
| bysûnderheden | ||
| ôfkoarting | FCAD | |
| soarte evenemint | filmfestival | |
| sjenre | Amerikaanske films | |
| bestean | 1975 – no | |
| offisjele webside | ||
| festival-deauville.com | ||
It Festival foar Amerikaanske Films fan Deauville (Frânsk: Festival du Cinéma américain de Deauville; Ingelsk: Deauville American Film Festival) is in Frânsk filmfestival, dat elts jier holden wurdt yn Deauville, yn 'e regio Normanje. It evenemint is tawijd oan 'e filmyndustry fan 'e Feriene Steaten en is wichtich by it yntrodusearjen fan minder bekende en ûnôfhinklike Amerikaanske films yn Jeropa.
Skiednis
[bewurkje seksje | boarne bewurkje]It Festival foar Amerikaanske Films fan Deauville waard yn 1975 oprjochte troch Lionel Choudan, André Halimi en de doetiidske boargemaster fan Deauville, Michel d'Ornano. Hja waarden dêrby stip troch de Groupe Lucien Barrière, dy't foar it hâlden fan it evenemint in lúkse gelegenheid beskikber stelde. Hoewol't it festival fan oarsprong gjin kompetatyf elemint omfieme, begûn it yn 1995 dochs prizen út te rikken foar langspylfilms, en yn 1998 ek foar koarte films.
Prizen
[bewurkje seksje | boarne bewurkje]- Grand Prix
- Foar de bêste film. Dizze priis hiet fan 1995 oant en mei 1997 en fan 2000 oant en mei 2007 de Grand Prix spécial Deauville, en yn 1998 en 1999 de Grand Prix du cinéma indépendant américain.
- Prix du Jury
- De sjuerypriis foar bêste film. Dizze priis hiet fan 1995 oant en mei 1997 de Prix du Jury spécial Deauville en yn 1998 en 1999 de Prix spécial du Jury du cinéma indépendant américain.
- Prix du Public
- De publykspriis, takend oan 'e film dy't dêrfoar útornearre wurdt troch in stimming ûnder de besikers fan it filmfestival.
- Prix de la Critique Internationale
- In ynternasjonale priis fan filmkritisy, dy't op it Festival foar Amerikaanske Films fan Deauville útrikt wurdt.
- Prix d'Ornano-Valenti
- Foarhinne bekend as de Prix Michel d'Ornano. Ferneamd nei Michel d'Ornano, in earder boargemaster fan Deauville en mei-oprjochter fan it festival, en finansjeel stipe troch it Frânsk-Amerikaansk Kultureel Fûns. Dizze priis wurdt útrikt oan in Frânske film dy't it debút is fan syn regisseur. Dêroan is ferbûn in jildbedrach fan €3.000 foar de regisseur, nochris €3.000 foar de filmprodusint en €10.000 foar de Frânske filmdistributeur, om te helpen by de promoasje fan 'e film.
- Prix de la Révélation
- Prix de Scénario (opheft)
Winners
[bewurkje seksje | boarne bewurkje]Foar in folsleine list mei winners, sjoch op dizze side, op 'e Ingelske Wikipedy.
Keppelings om utens
[bewurkje seksje | boarne bewurkje]| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |