Federico Bahamontes

	Federico Bahamontes
	sporter
	Federico Bahamontes (1960)
	persoanlike bysûnderheden
echte namme	Federico Martín Bahamontes
bynamme	De Earn fan Toledo
nasjonaliteit	Spaansk
bertedatum	9 july 1928
berteplak	Santo Domingo
stjerdatum	8 augustus 2023
stjerplak	Valladolid
	sportive ynformaasje
sport	Hurdfytsen
ûnderdiel	Dykhurdfytsen
debút	1947
karriêre-ein	1965
	wichtige prestaasjes
	Omgong fan Frankryk (1959)

Federico Martín Bahamontes (Santo Domingo, 9 july 1928 – Valladolid, 8 augustus 2023), bynamme De Earn fan Toledo, wie in Spaansk hurdfytser. Hoewol't berne as Federico Martín, brûkte er wilens syn Karriêre op de fyts de efternamme fan syn mem, Bahamontes. Yn 1959 waard er de earste Spaanske winner fan de Omgong fan Frankryk.

Karriêre[bewurkje seksje | boarne bewurkje]

Yn 1959 wûn er de Omgong fan Frankryk. Boppedat einige er yn 1963 en 1964 as twadde, respektyflik tredde yn it einklassemint. Hy wie in erkend klimmer, mei as bynamme De Earn fan Toledo. Hy ferovere seis kear it berchklassemint yn de Omgong fan Frankryk: yn 1954, 1958, 1959, 1962, 1963 en 1964. Yn totaal hat er sân etappes yn de Tour wûn.

Yn 1957 einige er as twadde yn it einklassemint fan de Omgong fan Spanje. Yn dat jier en it jier dêrop wûn er boppedat it berchklassemint fan dy omgong. Hy helle twa etappe-oerwinningen yn de Vuelta.

Ek it berchklassemint fan de Omgong fan Itaalje hat er wûn: yn 1956. In jier letter wûn er in rit yn de Giro.

Federico Bahamontes ferstoar op 8 augustus 2023, yn 'e âldens fan 95 jier.