Esther de Jong

Ut Wikipedy
Springe nei navigaasje Springe nei sykjen
Esther de Jong
Ic queue music 48px.svg sjonger en/of muzikant
Esther de Jong-Marleen Annema-9411.jpg
persoanlike bysûnderheden
echte namme Esther de Jong
nasjonaliteit Flag of the Netherlands.svg Nederlânsk
berne 1994
berteplak Dokkum
etnisiteit Frisian flag.svg Frysk
wurkpaad
sjenre popmuzyk
sjongtaal Nederlânsk
jierren aktyf sûnt 2015
prizen Fryske Poppriis 2019
offisjele webside
https://www.estherdjd.nl

Esther de Jong (Dokkum, 1994) is in sjongeres en lietsjeskriuwster út Dokkum.

Neidat se yn 2015 ôfstudearre wie oan de Akademy foar Popkultuer yn Ljouwert spile se yn bandsjes as O, Kutjes en Hilbrandt. Se wie te sjen op Oerol, Noorderzon, Freeze Festival, Explore the North en Eurosonic.

Yn 2018 wie se te hearren op it album 'In transit', in hommaazje oan Louis Couperus. Se waard dêrby begelaat troch 'De Kik'. Yn 2018 joech se in konsert yn de menniste tsjerke fan Dokkum as ûnderdiel fan 'Helden van Hjir' ûnder rezjy fan Kulturele haadstêd 2018. Oant 2019 trede se solo op. De bandleden dy’t har sûnt 2019 ûndersteune binne Daan van Beijeren (toetsen en sang), Jochem Knoef (drums) en Esker van de Werken (snaren, toetsen en sang). Wende en Robert Long hearre ta har muzikale favoriten. [1] Se neamt har muzyk ‘Deiboekmuzyk’, omdat se dingen op muzyk set dy’t se yn it deistige libben meimakket. Meastentiids binne it libbenssaken dy’t drôvich binne en djip lizze.

Esther is in dochter fan de Dokkumer organist Joop de Jong.[2]

Fryske Poppriis[bewurkje seksje | boarne bewurkje]

Yn 2019 wûn se as muzikale tûzenpoat de Fryske Poppriis. [3] De sjuery neamde neist har nije platekontrakt ek har fermogen om 'in soad dwersferbannen oan te snijen' en har autentisiteit.

Diskografy[bewurkje seksje | boarne bewurkje]

Singles
  • Meters diep (Excelsior Recordings, 2019)
  • Haas (ER, 2019)
  • Vitrine (ER, 2019)
  • Dwalen (ER, 2019)
EP
  • Van mij (Excelsior Recordings, 2020)

Boarnen, noaten en referinsjes[boarne bewurkje]

Boarnen, noaten en/as referinsjes:

  1. Recensie | Debuut-ep van Esther de Jong op Excelsior-label, Jouster Courant, 20 july 2020
  2. Verdwalen in de muziek met Esther en Joop, Nieuwe Dockumer Courant, 1 oktober 2018
  3. Esther de Jong wint de Friese Pop Prijs, Ljouwerter Krante, 20 desimber 2019