Earehôf De Pein

Tsjerkhôf De Pein mei de CWGC-grêven

Pales: 'Fallen yn de striid tsjin Unrjocht'

It Earehof De pein leit op it âlde tsjerkhôf fan De Pein, yn de buorskip Nijtap, yn de gemeente Smellingerlân. Op it begraafplak stiet ek ien fan de klokkestuollen yn Fryslân. Neist de stiennen fan de troch Commonwealth War Graves Commission behearde grêven steane fjouwer saneamde pales, de Fryske útfiering fan in Nederlânsk oarlochsgrêf. It binne de grêven fan:

Namme	Funksje	Underdiel	Sq	Stoarn	Aldens
Joseph Johnn Cooper	Boardwurktúchkundige	Royal Air Force	106e Sq	27-07-1942	21
Maurice John Dembrey	Radio-operator/boardskutter	Royal Air Force Volunteer Reserve	106e Sq	27-07-1942	26
Francis Harold Robertson	Piloat	Royal Air Force	106e Sq	27-07-1942	27

Skiednis

Op 27 july 1942 fleach in Lancaster-bommesmiter, de R 5748 fan it 106e Squadron, boppe Fryslân doe't dy oanfallen waard troch in Dútske nachtjager. It tastel stoarte de tichteby De Rottefalle del, mar wol op de himrik fan De Pein. Fjouwer bemanningsleden ferlearen dêr it libben. Trije bemanningsleden waarden beïerdige op it Earehôf De Pein, ien bemanningslid, Willam A.J. Fuller, wurdt oant hjoed de dei fermist. Ta syn oantins waard yn 1992 it William A.J. Fuller Memorial by de Kristlike Basisskoalle op De Rottefalle st.

Boarnen, noaten en referinsjes

Boarnen, noaten en/as referinsjes:

Verliesregister van de studiegroep Luchtoorlog 1939-1945 Gerrit J. Zwanenburg, En nooit was het stil..., [De Haach]: Koninklijke Luchtmacht/Bureau Drukwerkvoorziening Korps Luchtmachtstaf Commonwealth War Graves Commission ww2-Vollenhove

Commons

Ofbylden dy't by dit ûnderwerp hearre, binne te finen yn de kategory Erehof Opeinde fan Wikimedia Commons.