Dormitio-basilyk

Ut Wikipedy
Dormitio-basilyk
bouwurk
lokaasje
lân Israel
plak Jeruzalim
bysûnderheden
type bouwurk Tsjerke
boujier 1900-1910
arsjitekt Heinrich Renard
offisjele webside
Side fan de abdij

De Dormitio-basilyk' is in roomsk-katolike tsjerke op de berch Sion yn Jerusalim yn Israel. De basilica minor is de abdijtsjerke fan de Dútsktalige benediktynske Dormitio-abdij en falt ûnder de jurisdiksje fan it Latynske Patriargaat fan Jeruzalim.

Neffens de oerlevering is op it plak Jezus' mem Marije ferstoarn. Dêr komt ek de namme Dormitio Mariae wei, itjinge de ûntsliepenis fan Marije betsjut, dat in âlde oantsjutting is fan it feest fan it opnimmen fan Marije yn 'e himel.

Foargongers[bewurkje seksje | boarne bewurkje]

Al yn de 5e iuw stie op it plak fan de hjoeddeiske tsjerke de byzantynske basilyk Hagia Sion, dy't troch de Perzyske kening Chosrau II yn 614 ferneatige waard. Yn de 12e iuw stiften de krúsfarders op de ruïnes in tsjerke ûnder de namme Sancta Maria in Monte Sion, dy't nei 't de krúsfarders de slach ferlearen om 1200 hinne troch de islamityske hearskers ferneatige waard.

Skiednis[bewurkje seksje | boarne bewurkje]

Ynterieur

Doe't keizer Wilhelm II yn 1898 it Hillige Lân besocht foar de ynwijing fan de lutherske Ferlossertsjerke kocht de keizer in lape grûn foar de Dútske katoliken en droech it oan de Deutscher Verein vom Heiligen Lande oer. Yn de jierren dêrnei ûntstiene neffens de ûntwerpen fan Heinrich Renard de Dormitio-tsjerke en de Dormitio-abdij, in Dútske benediktynsk kleaster. De tsjerke waard op 10 april 1910 wijd oan de opname fan Marije yn 'e himel.

Op 19 july 1957 waard de tsjerke de status fan basilica minor ferliend.

Beskriuwing[bewurkje seksje | boarne bewurkje]

De tsjerke is sirkelfoarmich mei ferskate nissen mei alters en in koer. Twa slingertreppen liede nei de oargelgalerij en nei de krypte, it plak dêr't fan sein wurdt dat Marije dêr ferstoarn is. Fanôf de oargelgalerij binne twa fan de fjouwer tuorren fan de tsjerke tagongklik.

Ut respekt foar de tichteby lizzende tombe fan David is de klokketoer apart fan de tsjerke boud, sadat de klokketoer net it grêf fan David oerskaadzje kin.

Oargels[bewurkje seksje | boarne bewurkje]

It lytse koeroargel út 1979 mei twa manualen en pedaal en 8 registers en it haadoargel fan 1982 mei trije manuaelen en pedaal en 40 registers ferdield oer haadwurk, swelwurk en rêchposityf stamme fan de oargelbouwer Oberlinger.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Dormitio-kirche