Didam

	Didam
	Us-Leaffrouwetsjerke
	Emblemen
	Polityk
Lân	Nederlân
provinsje	Gelderlân
gemeente	Montferlân
	Sifers
Ynwennertal	(1 jannewaris 2024)
Oerflak	32,07 km², wêrfan: ; - lân: 31,75 ; - wetter: 0,32 km²
Befolkingsticht.	541 ynw./km²
	Oar
Koördinaten	51° 56' N 6° 7' E
	Offisjele webside
	(ned) Side oer Didam
	Kaart
	;

Didam (lokaal: Diem) is in Nederlânsk plak yn 'e gemeente Montferlân yn 'e provinsje Gelderlân. It gemeentehûs fan Montferlân stiet yn Didam.

Skiednis[bewurkje seksje | boarne bewurkje]

Op it plak fan it hjoeddeiske Didam lei yn 'e Romeinske tiid in Germaanske delsetting. De omkriten fan it plak waarden bewenne troch Gamaven. By in argeologysk ûndersyk súdlik fan de Tatelaarwei binne in grut tal Romeinske saken fûn, lykas munten fan û.o. Nerva, Hadrianus, Antoninus Pius en in 4e-iuwske muntskat. Dêrnjonken binne ek byldsjes fan 'e goadinne Minerva en in wylde baarch fûn.

Oant 1606 stie súdlik fan Didam yn 'e buorskip Oud-Dijk it kastiel Didam. Yn 'e buorskip Greffelkamp stiene de kastielen Manhorst en Luynhorst, wylst west fan Didam de state Nevelhorst stie. Oan de eastlike kant fan it doarp stie de state De Heegh.

De krite waard op 10 augustus 1925 troch in fûle stoarm troffen. Ek yn Didam binne doe in soad hûzen troch it natoergeweld ferneatige.

Yn 'e Twadde Wrâldkriich hie Generalkommissar für das Sicherheitswesen Hanns Albin Rauter syn haadkertier yn Didam. Op 6 maart 1945 ried er op 'e jûn út Didam út oer Zevenaar en Arnhim nei Apeldoarn. Underweis rekke er by Woeste Hoeve by in oanslach ferwûne. Yn 'e oarloch binne fiif joadske ynwenners fan it plak fermoarde yn Auschwitz en Sobibór.

Oant 1 jannewaris 2005 bleau Didam in selstannige gemeente. Op dy datum waard de gemeente mei de gemeente Bergh weryndield yn de nije gemeente Montferlân.