Chor Virap

Ut Wikipedy
Chor Virap

Խոր Վիրապ

bouwurk
lokaasje
lân Armeenje
Provinsje Ararat
plak by Lusarat; 8 kilometer súdlik fan Artashat
bysûnderheden
type bouwurk Kleaster

Chor Virap (Armeensk: Խոր Վիրապ, betsjutting: djippe tsjerker) is in Armeensk kleaster yn de flakte fan de Ararat yn Armeenje, tichteby de grins mei Turkije, likernôch 8 kilometer súdlik fan Artashat yn de provinsje Ararat. It kleaster wie eartiids de residinsje fan de Armeenske katolikos en joech ûnderdak oan in teologysk seminaarje.

Chor Virap is in beafeartssintrum om't Gregoarius de Ferljochter dêr troch Armeenske kening Tiridates III foar sa'n 14 jier finzen set waard. Gregoarius waard dêrnei de religieuze mentor fan de kening en tegearre lieden hja de ynfiering fan it kristendom yn it lân. Yn 301 waard Armeenje it earste kristlike naasje fan 'e wrâld.

Om Gregoarius te earen liet katolikos Nerses III, dy't fanwegen de grutte bouwaktiviteit ûnder syn lieding de bynamme "de Bouwer" krige, yn 642 op it plak in kapel (Sûrb Gevork) bouwe. Troch de iuwen hinne waard dy kapel hieltyd wer opboud.

Yn 1662 waard by de ruïne fan de âlde kapel in gruttere tsjerke boud, dy't de namme fan de Hillige Mem fan God krige (Sûrb Astvatsatsin). Ut dy tiid datearje ek de oare kleastergebouwen.

Yn de tsjerke wurde regelmjittich tsjinsten holden. It is ien fan de meast besochte beafeartsplakken fan Armeenje.

Op 26 juny 2016 besocht paus Fransiskus op syn reis troch Armeenje it kleaster.[1]

Ofbylden[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: