Cees Egas

	Cees Egas
	politikus
	Cees Egas yn 1965
nasjonaliteit	Nederlânsk
bertedatum	1 augustus 1913
berteplak	Holwert
stjerdatum	21 desimber 2001
stjerplak	Alkmar
	Twadde Keamerlid
amtsperioade	1952-1965,; 1967-1972
	Steatssekretaris fan Kultuer, Rekreaasje en Maatskiplik Wurk
amtsperioade	1955-1966
	offisjele webside
	Profyl by parlement.com

Cornelis (Cees) Egas (Holwert, 1 augustus 1913 - Alkmaar, 21 desimber 2001) wie in Nederlânsk politikus út namme fan SDAP en letter de Partij van de Arbeid.

Egas wie lânbou- en fiskerij-wurdfierder fan de PvdA-Twadde-Keamerfraksje fan de PvdA. Hy wie in Fryske boeresoan, dy 't sels op jonge jierren lânarbeider waard en dy't aktyf wie yn de sosjalistyske jeugdbeweging, de AJC. Syn mem wie learares húshâldkunde oan de folkshegeskoalle Allardseach ûnder Bakkefean.

Nei de oarloch wurke er yn it foarmingswurk yn Fryslân. As lânbousaakkundige waard er foarme yn de rûnte fan de Wiardi Beckman Stichting, it wittenskiplik buro fan de PvdA.

As Keamerlid hold er yn de jierren fyftich en sechstich praatsjes foar de VARA-radio oer lânbou yn de rubryk 'Voor het platteland'. Yn it kabinet-Cals wie er as steatssekretaris belêstige mei maatskiplik wurk. Hy sette him sawol yn dy funksje as neitiid as Twadde Keamerlid en bestjoerder yn foar de belangen fan âlderein.

Nei syn fuortgean út it parlemint folge er kursussen kulturele antropology, sosjology, psychology en filosofy oan de Frije Universiteit Amsterdam.

Publikaasjes

De Duivel is Oud, 1975
Onze toekomst. Tien vragen over welzijn, 1993

Wikimedia Commons

Ofbylden dy't by dit ûnderwerp hearre, binne te finen yn de kategory Cees Egas fan Wikimedia Commons.