Buerstermûne (mûne)

Ut Wikipedy
Jump to navigation Jump to search
Buerstermûne

De Buerstermûne is in nôtmole en ryksmonumint yn de buorskip Buerstermûne, east fan it doarp Froubuorren yn de gemeente Ljouwerteradiel.

De Buerstermûne waard yn de rin fan de 19e iuw boud, nei alle gedachten út ûnderdielen fan in earne oars sloopte mûne, op in steed dêr't yn 1566 al in standertmûne stie. Oer it krekte jier dat de Buerstermûne boud waard bestiet ûnwissens. Neffens de Moledatabank barde dat om 1850, mar De Hollandsche Molen is dúdliker en sprekt fan 1862.

De achtkante mûne, mei stiennen fjildmuorren, stie yn it wurk oant 1954. Acht jier letter waard de Stichting Vrouwbuurstermolen oprjochte, dy't restauraasje as doel hie. Yn 1966 waard de kape fan de Buerstermûne ferfongen. Ek yn 1995 en 2007 waard de mûne restaurearre. Hy wurdt brûkt as lesmûne foar frijwillige mûnders.

De mûne spile in rol yn de Alfde Alvestêdetocht op 14 febrewaris 1956, doe't de fiif koprinners yn dy tocht by de mûne de ôfspraak makken om yn Ljouwert tagelyk oer de einstreek te gean. Dat waard bekend as it Pakt fan Buerstermûne. De fiif holden wurd; wêrnei it bestjoer fan de Feriening De Fryske Alve Stêden besleat om dat jier gjin prizen ta te kennen.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: