Avonturenpark Hellendoorn

	Avonturenpark Hellendoorn
	ferdivedaasjepark
	Wyld wetter attraksje "Sungai Kalimantan" (2017)
	lokaasje
lân	Nederlân
Provinsje	Oerisel
Gemeente	Hellendoorn
plak	Hellendoorn
adres	Luttenbergerweg
koördinaten	52° 23' NB, 6° 26' EL
	bysûnderheden
type	Attraksjepark
eigner	Looping Group
iepen	1936
oerflak	8 ha
attraksjes	29
achtbanen	4
wetterattr.	3
	skiednis
hist. namme	Ons Ideaal,; Ontspanningsoord De Elf Provinciën
	gebou
boujier	1936
	offisjele webside
	Webstee Avonturenpark Hellendoorn
	kaart
	; Lokaasje Avonturenpark Hellendoorn

Avonturenpark Hellendoorn is in attraksjepark yn Hellendoorn yn de provinsje Oerisel. It park is yn 1936 begûn as teehûs mei boarterstún en is útgroeid ta in folweardich attraksjepark. It attraksjepark leit yn in boskrike omjouwing oan de Luttenbergerweg westlik fan it plak Hellendoorn, oan 'e foet fan de Hellendoarnske Berch op de Sallânske Heuvelrêch.

Skiednis[bewurkje seksje | boarne bewurkje]

Yn 1936 iepene Jan Van den Berg "Ons Ideaal", in teehûs mei terras, op de Hellendoarnske Berch. Om mear besikers te lûken, foege er der wat boarterstastellen oan ta. Twa jier letter feroare er de namme yn "Ontspanningsoord De Elf Provinciën". Yn 'e rin fan 'e jierren waarden meardere boarterstastellen tafoege en wreide it teehûs út nei restaurant. Yn 1947 begûn de oanlis fan it doalhôf , wat úteinlik trije jier yn beslach nimme soe. Ek waard it restaurant mei ekstra sealen útwreide. Yn 1956 sette it park útein mei de oanlis fan in mearkestún. Yn de santiger jierren waarden de earste grutte attraksjes tafoege lykas de "monorail", "Casa Magnetica" in attraksje fol mei optyske ilusjes, de "seeliuwenshow", de "Westernhal" en "Jungle Expedition". Yn 1978 wie de lêste nammeferoaring en krige it park de namme "Avonturenpark Hellendoorn". Dit jier iepene it attraksjepark syn earste achtbaan, "Avonturenslang". De achtbaan ferhuze yn 2004 nei in oar attraksjepark.

Yn de jierren 80 begûn it park mear út te wreidzjen en begûn it in attraksjepark te wurden. Sa iepene yn 1982 "Wild Waterval" ûnder de namme "Canadian River", de earste beamstamattraksje fan Nederlân. Yn 1991 waard de earste "rioolrat" iepene, in twaddehâns achtbaan dy't yn in hal pleatst waard dat in rioeltema krige. De achtbaan kaam út in Amerikaansk pretpark yn Iowa. De formule fan de "rioolrat" sloech oan en yn 1995 waard de twaddehânsk achtbaan ferfongen troch in nijbou eksimplaar, dat yn 1996 iepene waard. Yn 1997 waard wyld wetter attraksje "Sungai Kalimantan" iepene en is mei syn 480 meter de langste wyld wetter attraksje van fan Nederlân. De topspin "Montezuma's Revenge" waard yn 1998 iepene, mar de attraksje waard yn 2021 ofbrútsen om't it ûnderhâld fan de attraksje te djoer waard, 1998 wie ek it jier dat de famylje Van den Berg it attraksjepark ferkocht, dernei hat park alwer yn ferskate hannen west. It doalhôf dat troch Jan Van den Berg yn 1947 ûntwurpen en yn 1949 iepene waard, waard yn 2012 fuorthelle om't it doalhôf yn minne steat wie.^[1] Yn de maitiid fan 2024 iepene "Avonturenpark Hellendoorn" in 4e achtbaan neamd "RidderStrijd". It giet om in draaiende wildemûs-achtbaan en stiet op it plak dêr't earst it doalhôf lei.^[2]

Ferneamde attraksjes[bewurkje seksje | boarne bewurkje]

Namme	Iepene	Opm.
Rioolrat^[3]	1996	In oerdutsen Achtbaan
Sungai Kalimantan	1997	de langste wyld wetter attraksje fan Nederlân.
Wild Waterval	1982	De âldste beamstamattraksje fan Nederlân. Hjitte earst "Canadian River"
Balagos - Flying Flame	1990	Hjitte earst "Tornado"
Donderstenen	2005	Donderstenen ferfangt yn 2005 de Avonturenslang, in achtbaan út 1978

Ferdwûne ferneamde attraksjes[bewurkje seksje | boarne bewurkje]

Namme	Iepene	Ofbrutsen	Opm.
Doalhôf	1949	2013	Yn minne steat.
Rioolrat (1)	1991	1995	Ferfongen troch in nije achtbaan mei de namme rioolrat.
Montezuma's Revenge	1998	2021	Ofbrutsen om't it ûnderhâld te djoer waard.
Casa Magnetica	1978	2018