Anton Pieck

Ut Wikipedy
Gean nei: navigaasje, sykje
Anton Pieck (1980)

Anton Franciscus Pieck (De Helder, 19 april 1895 - Overveen, 24 novimber 1987) wie in Nederlânsk keunstskilder, tekener en grafikus. Pieck is de ûntwerper fan it yn 1952 iepene mearkepark De Efteling yn Kaatsheuvel.

Libben en wurk[bewurkje seksje | boarne bewurkje]

Anton Pieck wie in soan fan Henri Christiaan Pieck en Petronella Neijfs en twillingbroer fan skilder en yllustrator Henri Christiaan Pieck.

Hy troude yn 1922 mei Jo van Poelvoorde (stoarn yn 1983). Sy krigen trije bern, Elsa, Anneke en Max (stoarn yn 1986).

Pieck wie fan 1912 oant 1960 tekenlearaar yn De Haach en Overveen. De tekeningen dy't er makke binne faak mearkeëftich en nostalgysk fan karakter en tsjûgje fan in grutte fantasy en each foar detail. Syn yllustraasjes waarden tige populêr en komme noch gereldwei foar op bertekaartjes, ex libris en kalinders. As boekbântwerper hat er foar tal fan boeken fan in bân makke. Teffen shat er in soad etst.

Twadde Wrâldkriich[bewurkje seksje | boarne bewurkje]

Yn de Twadde Wrâldkriich wie Pieck aktyf yn it ferset. Hy brûkte syn grafysk talint om dokuminten en stimpels te ferfalskjen. Teffens fersoarge er de begraffenissen foar ferstoarne ûnderdûkers.[1]

Efteling[bewurkje seksje | boarne bewurkje]

Pieck is teffens de ûntwerper fan mearkepark De Efteling yn Kaatsheuvel, iepene yn 11952, dat útwaakst is ta ien fan wichtichste attraksjeparken yn Nederlân en ek yn it bûtenlân ferneamd is.

Autotron[bewurkje seksje | boarne bewurkje]

De Voorste Venne

Yn 1968 waard Anton Pieck frege om in gebou te ûntwerpen foar de samling old-timers fan de skipsskroevefabrikant Max Lips. It gebou waard 1972 yn Drunen iepene. It waard in yndrukmeitsjend gebou mei kantoren, in restaurant en ekspossysjeromtes. It Autotron waard letter yn Rosmalen festige doe't útwreiding mei in attraksjepark yn Drunen net mooglik wie. It gebou yn Drunen waard sparre en hat no ferkate oare fuksjes; de namme waard feroare yn De Voorste Venne.

Anton Pieck Museum[bewurkje seksje | boarne bewurkje]

Sûnt 1984 hat it Gelderske Hattem it Anton Pieck Museum, Huis voor Anton Pieck hjit it.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Utstjoering KRO, profyl oer Anton Pieck: http://profiel.kro.nl/uitzendingen/2008/1022-anton-pieck/intro.aspx