Alde Lunen
De Alde Lunen (offisjeel Frysk) is in grinswetter fan de gemeenten Dongeradiel en Kollumerlân.
Likernôch in kilometer bewesten Ingwierrum dielt it Dokkumer Grutdjip him op yn it Streamkanaal Willem Loréslûs, in ferkoarting nei Dokkumer Nije Silen ta, en de oarspronklike lêste luds fan de rin fan it Grutdjip, de Alde Lunen.
De Alde Lunen draait earst nei it súdwesten nei de Wâlddyk, giet dan by de dyk lâns nei it súdeasten en by it Mâlegreefsgat nei it easten. It draait foar Ny Terlune lykwols wer werom nei it suden en foarby de Aldwâldmersyl, dy't ferbining jout mei de Aldswemmer, draait it sels wer nei it súdwesten. At it wetter sa wer de Wâlddyk berikt draait it nei it súdeasten en foarmet dan tegearre mei de Nije Swemmer it Dokkumer Djip. Dat wetter, dat noardeasten rint, foarmet it lêste part fan de luds nei de Dokkumer Nije Silen.
De namme Alde Lunen jildt sûnt 15 maart 2007 as de offisjele namme, as ferfanging foar de eardere offisjele namme Oud Dokkumerdiep.