Airspeed Horsa
| Airspeed Horsa | |
|---|---|
|
| |
| Rol | Sweeffleantúch foar troepe- en frachtferfier |
| Makker | Airspeed |
| Earste flecht | 12 septimber 1941 |
| Yn tsjinst | 1941 |
| Ut tsjinst | 1945 |
| Tal makke | >3.600 |
| Brûkers | Army Air Corps, United States Army Air Forces |
De Airspeed Horsa wie in sweeffleanmasine dy't yn de Twadde Wrâldkriich ferskate kearen op grutte skaal ynset is by alliearde loftlâningsoperaasjes.
Algemien
[bewurkje seksje | boarne bewurkje]De Horsa waarden trije ferzjes fan boud; de AS51 Horsa 1, de AS52 en de AS58 Horsa 2.
Der waarden totaal 3.600 - 3.750 stiks fan boud. Dy binne allegear ferlern gien by operaasjes. De yn museums opstelde eksimplaren binne sekuere replika's; de boutekeningen binne nammentlik noch altyd ta foldwaan.
De Horsa waard ynset:
- yn 1942 by de oanfal fan Britske en Noarske kommando-ienheden op it fabryk foar deuterium te Vemork yn Noarwegen; sjoch Operaasje Freshman
- yn 1943 by de alliearde oanfal op Sisylje
- yn 1944 troch Ingelske, Amerikaanske en Frânske ienheden op D-Day yn Normandje
- yn 1944 troch Ingelske en Poalske ienheden by Operaasje Market Garden yn Nederlân
- yn 1945 yn Dútslân by it oerstekken fan de Ryn
Feiten Horsa 1
[bewurkje seksje | boarne bewurkje]- Bemanning: 2
- Lading: 25 persoanen mei bewapening en tarissing
- Lingte: 20,5m
- Spanwiidte: 27m
- Draachflak fleugels: 102,5 kante meter
- Hichte: 6 m
- Leechgewicht: 3805 kg
- Maksimaal gewicht:7050 kg
- Maksimale sleepfaasje: 240 km/o
- Normale sleepfaasje: 160 km/o
- Bewapening: gjin
It freem fan in Horsa bestie út 30 aparte dielen dy't foar it grutste part fan hout makke wiene. De firma Airspeed hie dêrfoar in spesjale houtbewurkingsôfdieling yn it wurk. De dielen waarden by ferskate RAF-ûnderhâldswerkplaatsen gearstald ta komplete tastellen, dy't útrisd wienen mei allinne de alderneedsaaklikste ynstruminten. Der waard nammentlik op rekkene dat sa'n tastel mar ienris brûkt wurde soe; it soe by de lâning wol sa skansearre reitsje dat it ôfskreaun wurde koe. De ynstruminten wienen in loftsnelheidsmeter, in sleepkabelyndikator, in hichtemeter en in meter dêr't de hoekeôfwiking t.o.f. de horizon mei ôflêzen wurde koe. Dit lêste ynstrumint wie it wichtichste want it joech de fleander krekt foar de lâning de krekte horizontale wjukyndikaasje, nedich foar in feilige lâning.
De Horsa's waarden flein troch spesjaal oplate fleanders. Dit wienen allegear offisieren en ûnderoffisieren dy't sawol (sweef)fleander as ynfanterist wienen. Allegear hearden sy ta it Army Glider Pilot Regiment.
Keppeling om utens
[bewurkje seksje | boarne bewurkje]| Boarnen, noaten en/as referinsjes: |
|
 |
Ofbylden dy't by dit ûnderwerp hearre, binne te finen yn de kategory Airspeed Horsa fan Wikimedia Commons. |