Sibillus Catharinus Kylstra
Sibillus Catharinus Kylstra (Bears, 16 july 1869 - 1950) wie in Nederlânsk Herfoarme predikant en kristen-anargist (Tolstojaan).
Hy stie as dûmny yn Ingelum (1894-1897) en Rottefalle (1897-1899). Kylstra rjochte yn 1900 de Ynternasjonale Bruorskip te Blaricum op; wie dêr befreone mei Anne de Koe. Hy libbe dêr fjouwer jier.
Doe't er syn amt wer opnaam hie wie er predikant yn Sint-Jabik fan 1908 oant 1913 en begjint dêr it earste frijsinnich-godstsjinstige blêd De Wekker en krewearret foar frijsinnige hagepreken. Hy hat ferskillende brosjueres skreaun. Hy jout it predikantskip lykwols oer en emigrearre yn july 1913 mei syn famylje nei Yakima (11th Avenue) tichtby Portland, Oregon yn de Feriene Steaten om dêr grienten (benammen tomaten, mais) te kweken en te ferkeapjen.
Kylstra woe in kristen fan de die wêze en sette him yn foar de 'earme Fryske heide'.
| Boarnen, noaten en/as referinsjes: |
|
Brouwer, J.H., en oaren (red.), Encyclopedie van Friesland, Amsterdam: Elsevier 1958, Kylstra, Sibillus Catharinus.
|
- Frysk predikant
- Frysk anargist
- Frysk sosjalist
- Frysk publisist
- Frysk ûndernimmer
- Amerikaansk predikant
- Amerikaansk anargist
- Amerikaansk sosjalist
- Amerikaansk publisist
- Amerikaansk ûndernimmer
- Amerikaansk persoan fan Frysk komôf
- Persoan berne yn Bears
- Sint-Jabik
- Ingelum
- De Rottefalle
- Persoan berne yn 1869
- Persoan stoarn yn 1950