Hamelen

	Hamelen ; Hameln
	Emblemen
	Bestjoer
Lân	Dútslân
dielsteat	Leechsaksen
lânkring	Hameln-Pyrmont
	Sifers
Ynwennertal	57.276 (30-12-2020)
Oerflak	102,53 km²
Befolkingsticht.	599 /km²
Hichte	68 m
	Oar
Postkoade	31785, 31787, 31789
Tiidsône	UTC +1
Simmertiid	UTC +2
Koördinaten	52° 6' NB, 9° 21' EL
	Offisjele webside
	http://www.hameln.de/
	Kaart
	;
	Kaart
	Lizzing Hameln yn Hameln-Pyrmont

Hamelen (Dútsk: Hameln) is in stêd yn Dútslân yn de dielsteat Nedersaksen. Hamelen leit oan de rivier de Wezer (Weser) tichteby it Wezerberchlân. It is de Kreisstadt fan de lânkring Hameln-Pyrmont en ek in Große selbständige Stadt. Hamelen bestiet bestjoerlik út in kearnstêd en 13 stedsdielen.

Skiednis

It plak ûntstie by in yn 851 stifte benediktinen kleaster. Yn 1200 krige it stedsrjochten. Teffens wie it ien fan de Hânzestêden fan 1426 oant 1572. Yn de 16e iuw boazge de ekonomy fannijs oan. Ut dy tiid stamme in protte gebouwen yn de styl fan de Wezerrenêssânse, dy't no noch altyd mei it stedsbyld bepale.

Yn de Twadde Wrâldkriich waard de stêd wol bombardearre, mar it grutste part fan de stêd bleau dochs geef. It befolkingstal gie rillegau omheech fan noch gjin 30.000 foar de oarloch oant hast 50.000 om 1950. In soad út Silezië ferdreaune Dútsers wiene dêr de oarsaak fan.

Yn de oarloch waard de finzenis fan Hamelen brûkt foar it fêsthâlden fan sosjaaldemokraten, kommunisten en oare politike finzenen. Sa'n 200 minsken stoaren dêr; mear noch yn april 1945, doe't de Nazys finzenen út bedrige kampen foar de Alliearden út dêr hinne brochten. Nei de oarloch brûkte it Britske besettingsleger de finzenis foar it fêsthâlden Dútser dy't beskuldige waard fan oarlochsmisdieden. Nei harren prosessen waarden sa'n 200 feroardielden yn de finzenis ophongen, ûnder oaren Irma Grese en Josef Kramer. De finzenis is hjoed de dei in hotel.

Demografy

Jier	Ynwennertal
1689	2.398
1825	5.326
1905	21.385
1939	32.000
1968	48.787
2005	58.872
2020	57.276

Galery

It Leisthaus, Hamelen
Joadsk begraafplak Hamelen
'De Gouden Rot', fuotgongersbrêge oer de Wezer yn Hamelen

Oars

Hamelen is wrâldferneamd fan it mearke fan de rottefanger fan Hamelen. Hy besocht de stêd foar it earst yn op 26 juny 1284. Yn dat mearke (of sêge) wurde de bern fan de stêd ûntfierd troch in fluitspyljende rottefanger. De promoasje fan it toerisme hat dit mearke in wichtige rol yn.

Wikimedia Commons

Ofbylden dy't by dit ûnderwerp hearre, binne te finen yn de kategory Hameln fan Wikimedia Commons.

52° 6' NB, 9° 21' EL