Willem Smink

	Willem Smink
	politikus
	Willem Smink by de iepening fan in nijbouprojekt yn Grins, 17 maaie 2005
nasjonaliteit	Nederlânsk
bertedatum	30 maaie 1957
berteplak	Harich
etnisiteit	Frysk
partij	PvdA

Willem Smink (Harich, 30 maaie 1957) is in Nederlânske politikus fan Frysk komôf.

Karriêre

Fan 1992 oant 2006 wie Smink wethâlder Romtlike Oardening, Folkshúsfesting, Wykfernijing, Grûnsaken en Monuminten foar de Partij van de Arbeid yn Grins. Hy folge yn 1992 Ypke Gietema op nei't dy ôfgien wie, fanwegen de problemen yn de Grinzer Kredytbank-affêre.

Yn 1980 en 1981 wie hy foarsitter fan de Jonge Socialisten ôfdieling Grins, de jongereinorganisaasje dy't ferbûn is oan de PvdA.

Smink wie ek lokoboargemaster. Hy naam yn april 2006 ôfskied yn de Euroborg, nei't er (foar de gemeenteriedsferkiezingen fan maart 2006) witte litten hie net beskikber te wêzen foar noch in perioade. As wethâlder wie Smink troch syn ambisjeuze plannen en syn útsprutsen optreden in bekend politikus yn Grins.

Hy wie fan 2008 oant 2017 bestjoersfoarsitter fan de NHL Hegeskoalle. Yn 2018 waard Smink beneamd ta tydlik bestjoerder fan de Fryske Akademy, dêr't er earder al aktyf west hie as "prosesbegelieder".^[1]

Boarnen, noaten en referinsjes

Boarnen, noaten en/as referinsjes:

↑ Ljouwerter Krante, 15 janewaris 2018: Smink per direct aan roer Fryske Akademy

[1] Ljouwerter Krante, 15 janewaris 2018: Smink per direct aan roer Fryske Akademy

[1]