Wyt-Russysk

Ut Wikipedy
Gean nei: navigaasje, sykje

Wyt-Russysk (беларуская мова, belaruskaja mova) is in taal dy't ta de Slavyske talen rekkene wurdt Wyt-Russysk wurdt bûten Wyt-Ruslân ek troch Wyt-Russyske minderheden yn dielen fan Oekraïne en Ruslân sprutsen plus yn it eassten fan Poalen en it súdeasten fan Litouwen.

It Wyt-Russysk wurdt skreaun yn it Syrillysk alfabet, soms ek yn it Latynsk alfabet, Łacinka neamd. Dat lêste ûntwikkele him yn de 18e ieu ûnder ynfloed fan it katolisisme en de Poalske beynfloeding fan it westen fan it lân, dat oant de Poalske dielingen diel útmakke fan de Rzeczpospolita.
By transkripsje (oersetting nei oare alfabetten/talen) komme meardere ferskillen oan it ljocht, benammen yn de transkripsje fan eigennammen.
It Wyt-Russysk is in East-Slavyske taal en fertoant dêrtroch de sterkste sibskip mei it Oekraynsk en it Russysk. Ek hat it Wyt-Russysk sterke ynfloeden ûndergien fanút it Poalsk. Taalkundich sjoen nimt it Wyt-Russysk in tuskenposysje tusken it Poalsk en it Russysk yn en is mei beide talen ûnderling fersteanber (sprekkers fan it Poalsk en Russysk sels kinne elkoar net ferstean). Dat is foar Poalske en Russyske nasjonalisten de oanleiding om it Wyt-Russysk as in dialekt fan it Poalsk respektivelik it Russysk te beskôgjen.

Boarnen, noaten en referinsjes[bewurkje seksje | edit source]

Boarnen, noaten en/as referinsjes: