The Fox and the Hound

Ut Wikipedy
Gean nei: navigaasje, sykje

The Fox and the Hound (Frysk: De foks en de jachthûn, Nederlânske titel: Frank en Frey) is in Amerikaanske animaasjefilm út 1981 makke fan Walt Disney Productions, ûnder regy fan Ted Berman en Richard Rich. De film waard útbrocht op 10 july 1981. It is de 24e fan Disney syn klassike animaasjefilms en duorret ûngefear 83 minuten.

The Fox and the Hound ferhellet fan de freonskip tusken de foks Tod (Nederlânske namme Frey) en de jachthûn Copper (Nederlânske namme Frank). De film is basearre op Daniel P. Mannix syn boek The Fox and the Hound (boek). De film bringt wol in pear wizigings oan yn it ferhaal. It boek hat in realistysker ferhaal. In ferfolch op de film, The Fox and the Hound 2, waard útbrocht yn 2006.

Ferhaal

Copper is in hûntsje dy't troch syn baas ta jachthûn ûnderjochte wurdt en Tod is in fokske sûnder âlden, dy't troch widdo Tweed, in âld wiif, grutbrocht wurdt. De twa moetsje elkoar al mei jonge jierren en wurde freonen dy't net sûnder elkoar kinne. Sy hawwe lykwols gjin aan fan it feit dat hja natuerlike fijannen binne en dat hja letter tsjin elkoaroer stean sille te kommen.

It needlot slacht ta at de twa folwoeksen wurde. Copper, troch syn baas Amos Slade oplaat ta jachthûn, moat tenei ek op foksen jeije. Op in jûn wurdt Tod troch Slade en syn hûnen opjage. By de jacht rekket Slade syn oare hûn, Chief, ferwûne at er troch in trein oanriden wurdt. Slade en Copper binne fan betinken dat Tod der de skuld fan is. Widdo Tweed beseft dat Tod langer nei feilich is en beslút om him werom te bringen nei de wildernis. Dêr moetet er Vixey, in oare foks.

Op it hichtepunt fan de film giet Slade mei Copper op jacht nei Tod. Sy wurde lykwols oanfallen troch in bear. Fanwege Tod kinne sy ûntkomme, wêrnei't Copper en Tod harren skeel bylizze.

Rolferdieling

Nûmers

  • "The Best of Friends"
  • "Lack of Education"
  • "A Huntin' Man"
  • "Goodbye May Seem Forever"
  • "Appreciate the Lady"

Ynternasjonale premiêres

Prizen en nominaasjes

Yn 1982 waard The Fox and the Hound nominearre foar trije prizen, dêr't ien fan wûn waard: