Reade wikel

Ut Wikipedy
(Trochwiisd fan "Reade Wikel")
Gean nei: navigaasje, sykje
Reade wikel
Falco tinnunculus.jpg
taksonomy
Klasse: Fûgels (Aves)
Skift: Rôffûgels (Falconiformes)
Famylje: Falken (Falconidae)
soarte
Falco tinnunculus

De reade wikel of toerfalk (Latynske namme: Falco tinnunculus) is in rôffûgel út de famylje fan de falken. It is yn West- en Midden-Jeropa fierwei de meast algemiene falkesoart. Yn Fryslân komt de fûgel it hiele jier foar mar yn Skandinaavje en Ruslân allinich simmers. It binne readbrúne fûgels mei donkere plakken op de wjukken en in lange sturt. It mantsje is wat lytser, en is ek wer te kennen oan syn blauwe kop.

Aai fan Falco tinnunculus

De jacht[bewurkje seksje | edit source]

De 30-35 sm grutte fûgel is faak te sjen boppe de berms oan de kant fan de dyk. De fûgel hinget dan faak stil yn de loft wylst er om iten siket, it saneamde wikeljen. As er in proai sjocht dûkt er der boppeop. Hy yt meast mûzen en ynsekten, mar ek wol kikkerts en fûgels dy't op de grûn sitte.

Fuortplanting[bewurkje seksje | edit source]

Lykas de measte falken makket de reade wikel net sels in nêst. Faak brûkt er nêsten fan krieën en eksters. Ek briedt der wol yn tsjerketourren en oare hege gebouwen. It wyfke briedt de 3-6 aaien yn 30 dagen út. De jongen bliuwe noch sa'n 30 dagen op it nêst. Dêrnei bliuwe se ek noch in moanne by de âlden foar se harren sels rêde kinne.

Keppeling om utens[bewurkje seksje | edit source]

Wikimedia Commons Dit materiaal is beskikber by Wikimedia Commons as Category:Falco tinnunculus en wurdt mooglik ek brûkt by oare Wiky-projekten.