It Swin (Brugge)

Ut Wikipedy
Gean nei: navigaasje, sykje
Kaart út 1274 mei it Swin oan Brugge ta
It Swin by heechtij sjoen fanôf de Nederlânske kânt nei de Belgyske

It Swin wie yn de lette Midsieuen de see-earm dy't Damme mei de Noardsee ferbûn. Troch oanslibbins en fersânning is der net folle mear fan oer as in strângeul mei efterlizzende slufter. Earder hat de mûning goed 6 km breed west. De tuorren fan Westkapelle en Knokke tsjinnen as beaken foar de seelju op wei nei Damme.

Troch de fersâning wie Brugge yn de 11e ieu oer de Reie net mear oer wetter te berikken. Yn de 12e ieu waard it Swin troch stoarmen fergrutte ta in befarber wetter dat tichtby Brugge kaam en sa in nij farwei joech. Dan moasten der lykwols al foarhavens oanlein wurden. De earste wie Damme, en seewaarts folgen Hoeke, Mude (no Sint Anna ter Muiden) en op it lêste Slús.

De strângeul, die't by eb makkelik trochwade wurde kin - net mear as inkeldjip - leit likernôch op de grins tusken Nederlân (Kadsân) en Belgje. Yn 1950 besleat Nederlân ta it ôfsletten fan de Swinmûn. De daam dy't der doe kaam rôp lykwols protesten op fan Belgje út. It sluftergebiet waard yn 1952 troch graaf Léon Lippens ta it earste natuerreservaat fan Belgje útroppen. Ear't dit probleem hielendal útpraat wie, waard de daam by de wettersneed fan 1953 fuortslein, wêrtroch de geul wer iepen wie. Op it stuit leit de geul sa dat de punten fan de westoevers noch krekt yn Nederlân lizze (2000).

Frij algemien wurdt oannaam dat it Swin itselde wetter is as it "Sincfala" yn de Lex Frisionum.

Natuergebiet It Swin[bewurkje seksje | edit source]

It Swin is it wichtichste natuergebiet fan de Belgyske kust, mei in soad seefûgels en dúnknynen. Oan de binnendykse kânt is in briedstasjon fan de earrebarre en in lyts fûgelpark, der't ek strâne fûgels dy't fersoarge wurde moatte oan it publyk toand wurde. Fjirder is der in restaurant en in souvenirwinkel.

Yn 2005 waard der al in prinsipeakkoord tekenje, wêrtroch de Flaamske Mienskip yn 2006 it behear oer it 155 hektare grutte natuergebiet oernaam. De Mienskip sette it harren ta doel de fersânning oan ta pakken en it natuerreservaat út te wreidzjen troch der parten fan de Willem-Leopoldpolder oan ta te foegjen. It byhearende fûgelpark waard oernommen troch de Provinsje West-Flaanderen.

Yn it Swin is der in soad ferskaat oan wetterfûgels.

Trivia[bewurkje seksje | edit source]

  • Twaris waard hjir de Franske float troch de Ingelske float ferslein: yn 1213 en yn 1340.
  • It Swin is, tegearre mei de tichbije strânnen, ek bekind as fynplak fan 40 miljoen jier alde haaietosken.

Eksterne keppelings[bewurkje seksje | edit source]