Hjalmar Andersen

	Hjalmar Andersen
	sporter
	Hjalmar Andersen (1950)
	persoanlike bysûnderheden
echte namme	Hjalmar Johan Andersen
nasjonaliteit	Noarsk
bertedatum	12 maart 1923
berteplak	Rødøy
stjerdatum	27 maart 2013
stjerplak	Oslo
	sportive ynformaasje
sport	Reedriden
ûnderdiel	Langebaan
O.S.	Sankt-Moritz 1948,; Oslo 1952,; Cortina d'Ampezzo 1956
debút	1948
karriêre-ein	1956
	wichtige prestaasjes
	3x goud Olympyske Spullen 1952; 3x goud WK Allround 1950, 1951, 1952

Hjalmar Johan (Hjallis) Andersen (Rødøy, 12 maart 1923 - Oslo, 27 maart 2013) wie in Noarsk reedrider. Hy wûn trije gouden medaljes op de Olympyske Winterspullen fan 1952 en waard trije kear Europeesk en Wrâldkampioen Allround. Hjalmar Andersen wie de pake fan de eardere Noarske reedrider Fredrik van der Horst.

Andersen die trije kear mei oan de Olympyske Winterspullen (yn 1948, 1952 en 1956). By syn olympysk debút yn 1948 die Hjalmar alline mei oan de 10 km, mar helle troch it minne waar de finish net. Fjouwer jier letter dominearre er it toernoai by de spullen yn Oslo. Hy wûn de 1500 meter, 5 km en de 10 km, iderkear foar in Nederlanner: twa kear Kees Broekman en ien kear Wim van der Voort. Syn foarsprong op Broekman op de 10 kilometer (24,8 sekonden) is noch altyd de grutste foarsprong yn de Olympyske histoarje fan it reedriden.

Nei de Spullen fan Oslo yn 1952 woe er ophâlde, mar twa jier letter stie Andersen alwer op it iis. Ynternasjonale titels wûn er lykwols net mear.

Hjalmar Andersen ferstoar op 27 maart 2013, yn 'e aldens fan 90 jier.

Persoanlike rekords[bewurkje seksje | boarne bewurkje]

Ofstân	Tiid	Datum	Baan
500 meter	43,7	13 jannewaris 1951	Øya Stadion, Trondheim
1000 meter	1.30,6	1 febrewaris 1954	Eisstadion Davos, Davos
1500 meter	2.16,4	6 febrewaris 1949	Eisstadion Davos, Davos
3 km	4.49,6	30 jannewaris 1954	Eisstadion Davos, Davos
5 km	8.06,5	29 jannewaris 1956	Lago di Misurina, Misurina
10 km	16.32,6	10 febrewaris 1952	Hamar stadion, Hamar