Governor General's Award

Governor General's Award
algemiene ynformaasje
nasjonaliteit	Kanadeesk
útrikt foar	ferskate mêden
útrikt troch	de gûverneur-generaal fan    Kanada
frekwinsje	1x jiers
plak	Ottawa (Ontario)
ynsteld	1937
1e útrikking	1937
offisjele webside
www.gg.ca/document.aspx?id=187

De Governor General's Awards binne in groep Kanadeeske prizen dy't in ferskaat oan mêden beslane, en dy't op jierlikse basis útrikt wurde troch de gûverneur-generaal fan Kanada. De earste fan dizze prizen, de Governor-General's Literary Award, waard yn 1937 yn twa kategoryen ynsteld troch gûverneur-generaal John Buchanan, 1e baron Tweedsmuir, dy't sels in tige aktyf skriuwer fan sawol fiksje as non-fiksje wie. Neikommende gûverneurs-generaal hawwe kategoryen tafoege oangeande maatskiplike mêden dy't sy wichtich fûnen.

Kategoryen

• Governor General's Literary Award: literatuerpriis foar it Ingelsk en it Frânsk, ynsteld yn 1937 troch John Buchanan, 1e baron Tweedsmuir
  • foar fiksje
  • foar non-fiksje
  • foar poëzij
  • foar toaniel
  • foar berneboeken (tekst)
  • foar berneboeken (yllustraasjes)
  • foar oersettings
• Governor General's Medals in Architecture: arsjitektuerpriis (oant tolve medaljes jiers), ynsteld yn 1982 troch Adrienne Clarkson as fuortsetting fan 'e Massey Medals, dy't tusken 1950 en 1970 útrikt waarden
• Governor General's Awards in Commemoration of the Persons Case: in priis, ynsteld troch Edward Schreyer yn 1979, dy't elts jier oan fiif lju útrikt wurdt ta betinking fan 'e Persons Case (in rjochtsaak wêrby't útmakke waard dat froulju it rjocht hiene om yn 'e Kanadeeske Senaat keazen te wurden) en foar it útdragen fan lykberjochtiging foar famkes en froulju.
• Governor General's Performing Arts Awards: in groep kultuerprizen dy't yn 1992 ynsteld waarden troch Ray Hnatyshyn
  • foar dûns
  • foar film
  • foar klassike muzyk
  • foar popmuzyk
  • foar tillefyzje en radio
  • foar toaniel en teäter
• Governor General's History Award: in priis, ynsteld troch Roméo LeBlanc, yn 1996, foar treflik ûnderwiis oer de skiednis fan Kanada
• Governor General's Awards in Visual and Media Arts: in groep keunstprizen dy't yn 2000 ynsteld waarden
  • foar byldhoukeunst (ynkl. ynstallaasjes en oar trijediminsjonaal wurk)
  • foar fotografy
  • foar grafyske ûntwerpen
  • foar skilderkeunst
  • foar tekenkeunst
  • foar tapaste keunst (yn arsjitektuer en ambachten lykas goudsmidderij)
  • foar ûnôfhinklike films, fideo's, audio of nije media
• Governor General's Award in Celebration of the Nation's Table: in kulinêre priis betocht troch Jean-Daniel Lafond en yn 2006 ynsteld troch dy syn frou, gûverneur-generaal Michaëlle Jean, ta erkenning fan yndividuën en groepen dy't de kwaliteit, it ferskaat, de duorsumens en de yngrediïnten fan 'e Kanadeeske koken ferbetterje
  • foar jongerein
  • foar behear en duorsumens
  • foar kreätiviteit en ynnovaasje
  • foar liederskip
  • foar mentorskip en ynspiraasje
  • foar ûnderwiis en bewustwêzen
• oare prizen
  • Governor General's Academic Medal: foar heger ûnderwiis
  • Governor General's Award for Safety in the Workplace: foar arbeidsfeilichheid
  • Governor General's Conservation Award: foar natoerbeskerming
  • Governor General's Award for Debate: foar treflikens as orator
  • Governor General's Flight for Freedom Award for Lifetime Achievement in Literacy: oeuvrepriis foar literatuer
  • Governor General's Fencing Award: foar skermjen
  • Governor General's International Award for Canadian Studies: ynternasjonale priis foar ûnderwiis oer Kanada

• eardere prizen
  • Governor General's Caring Canadian Award: ûnderskieding foar lju dy't har maatskiplik ynset hawwe; bestie fan 1995 oant 2015, dêrnei omneamd ta de Sovereign's Medal foar Volunteers
  • Governor General's Northern Medal: foar lju dy't wat út 'e wei set hawwe yn it hege noarden fan Kanada; bestie fan 2005 oant 2015, dêrnei omneamd ta de Poalmedalje

Keppelings om utens

• (in) Offisjele webside fan 'e Governor General's Awards

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.