Ottawa

Ut Wikipedy
Gean nei: navigaasje, sykje
Ottawa
OttawaCollage.png
Sifers
Ynwennertal 883.391 (2011)
Oerflak 2.778 km²
Befolkingstichtens 316,6 km²
Hichte 0 m
Polityk
Lân Kanada
Provinsje Ontario
Boargemaster Jim Watson
Oar
Stifting 1855
Postkoade K0A, K1A-K4C
Tiidsône EST (UTC-5)
*Simmertiid EDT (UTC-4)
Koördinaten 45° 25' NB, 75° 41' WL
Webside www.ottawa.ca

Ottawa is de haadstêd fan Kanada. De stêd leit oan de lyknammige rivier yn it sudeasten fan de provinsje Ontario tsjin de grins fan de provinsje Québec. De stêd hat 812.129 ynwenners en in gebiet fan 2.778,13 km2.[1]

Fan de befolking hat 63,6% it Ingelsk en 15,1% it Frânsk as memmetaal.[2]

Stêdsgesicht[bewurkje seksje | edit source]

Lokaasje fan Ottawa yn de provinsje Ontario
Rideau Hall, residensje fan de Gûverneur-generaal
It Kanadese Parlemintsgebouw

As federale haadstêd fan Kanada binne yn Ottawa in soad regearingsgebouwen wêrfan it parlemintsgebouw it wiidst ferneamd is. Fierder befynt it Kanadese hegerjochtshôf har yn de stêd en ek de offisjele residinsjes fan de Minister-president fan Kanada (24 Sussex Drive / 24, promenade Sussex) en dy fan de Gûverneur-Generaal fan Kanada (Rideau Hall). Fierder binne der in soad museums yn Ottawa lykas de National Gallery of Canada / Musée des beaux-arts du Canada en it Canadian War Museum / Musée canadien de la guerre.

De Universiteit fan Ottawa is ien fan de âldste universiteiten fan it lân.

Skiednis[bewurkje seksje | edit source]

De earste Jeropese delsettings yn it gebiet waarden dêr fêstige fanwege de houtyndustrie. Nei de Oarloch fan 1812 waard ymmigraasje nei Ottawa troch de oerheid stimulearre en it tal ynwenners naam hurd ta. Kolonel John By naam yn 1832 it inisjatyf foar de oanlis fan it Rideaukanaal, in alternative roete nei Montréal dy't fieder fan de Amearikaanske grins ôf leit. De stêd dy't hjirtroch ûnstie waard Bytown neamd en de oanlis fan it Rideaukanaal joech de regio ekstra betsjutting foar de hannel. Yn 1855 waard de namme Bytown feroare nei Ottawa.

Ottawa waard op 31 desimber 1857 as de haadstêd fan Kanada keazen: de kar foar de stêd wie in kompromys, omdat oare kandidaten lykas Montréal en Toronto tefolle yn de Frânske of Ingelske tradysje stienen. Boppedat lei de stêd in stik fierder fan de Amearikaanske grins ôf, dat as in (militêr) foardiel beskôge waard.

It parlemintsgebouw fan Ottawa waard boud op in gloaiende heuvel, Parliament Hill / Colline du Parlement, tichtby it begjinpunt fan it Rideaukanaal. Op 3 febrewaris 1916 brânne it gebouw ôf waarna in 1922 it hjoeddeistige gebouw waard oplevere mei de Peace Tower / Tour de la paix, de klokkentoren, dy't tsjintwurdich it symboal foar de haadstêd is.

Ottawa wie tidens de Twadde Wrâldoarloch it wenplak fan prinses Juliana mei har bern, wêrtroch de stêd noch altiten in bysondere bân mei Nederlân hat. Elts jier, yn de moanne maaie, fynt yn Ottawa it Tulip Festival / Festival des tulipes plak werby it Nederlânske keningshûs 10.000 tulpenbollen nei de stêd stjoert as tankberens foar de hûsfesting fan de keninklike famylje en de befrijing fan Nederlân troch de Kanadezen.

Ottawa foarmet tegearre mei it yn Québec lein Gatineau de National Capital Region / Région de la capitale nationale.

Berne yn Ottawa[bewurkje seksje | edit source]