Elst (Utert)

	Elst
	Sicht op Elst oan oare kant de Nederryn
	Polityk
Lân	Nederlân
Provinsje	Utert
Gemeente	Rhenen
	Sifers
Ynwennertal	4.650 (2021)
	Oar
Postkoade	3921
Tiidsône	UTC +1
Simmertiid	UTC +2
Koördinaten	51° 59' 8" NB, 5° 29' 55" EL

Elst is in doarp yn de gemeente Rhenen yn de Nederlânske provinsje Utert. It doarp hat 4.650 ynwenners (2021). Oant 1 jannewaris hearde in part fan it doarp ta de gemeente Amerongen, dy't op dat stuit part waard fan de nije gemeente Utertske Heuvelrêch.

Geografy[bewurkje seksje | boarne bewurkje]

It doarp leit oan de Nederryn oa de súdkant fan de Utertske Heuvelrêch. Der fart in fearpont fan Elst nei it doarp Ingen oan de oare kant de Nederryn. Noardlik fan it doarp lizze de Elsterberch mei in hichte fan 63,2 meter en de Galgeberch. Noardeastlik lizze noch ferskate heuvels.

Skiednis[bewurkje seksje | boarne bewurkje]

Yn 1981 wiene der tichteby Elst argeologyske opgravings, dêr't goed 250 iermidsiuwske grêven fûn waarden, dêr't fjouwer hynstegrêven en ien hûnegrêf fan wiene. De grêven datearje fan de iere fyfde oant mids achtste iuw. In soad grêven hiene grêfjeften, wêrûnder de rykste grêven mei gouden en sulveren sieraden frouljusgrêven út de sechsde iuw wiene. 22 grêven befetsje wapens, wêrûnder swurden, skylden, bilen en benammen spear, en pylkpunten. Nijsgjirrich wie it finen fan in houten, mei brûns besleine amer. De fynsten binne no yn it Provinsjaal Argeologysk Depot yn Utert.

It besjen wurdich[bewurkje seksje | boarne bewurkje]

De eardere tabaksplantaazje Plantage Willem III.
Nôtmûne 't Wissel
Nederlânsk Herfoarme Tsjerke fan 1819
De Klinkhamer, in wente ûntwurpen troch Gerrit Rietveld yn 1949 yn opdracht fan hûsdokter Van Ommeren. It hûs sjocht út oer twa uterwaarden.