Www.hallofryslan.nl

Ut Wikipedy
Jump to navigation Jump to search
It logo fan Hallofryslan.nl

Hallofryslan.nl wie in Frysk-Nederlânske webstee makke troch en yn it behear fan Eline en Yvette de Koning. It webstee bestie sûnt febrewaris 2009 en krige stipe fan de Provinsje Fryslân mei de útfieringsregeling projektsubsydzjes Kultuer, Taal en Underwiis.

It wichtichste ûnderdiel fan webstee wie in Frysk-Nederlânsk en Nederlânsk-Frysk wurdboek, mei in oersetter en in staveringshifker. Dêrneist waarden der kolumns skreaun, troch ûnder oaren Rendert Algra en Lutz Jacobi, waarden der filmpkes oanbean en wie der muzyk te finen op de hiemside. Ek wie der omtinken foar it Fryske toaniel en de iepenloftspullen en Fryske museums.

It logo fan Wurdboek.nl

In projekt dat besibbe is oan Hallofryslan.nl is it webstee Wurdboek.nl. Dizze side is hielendal yn it Frysk opsetten en biedt in wurdboek, staveringshelp en rymwurdboek oan. De wurden binne gearstald troch de Fryske Akademy.

Desimber 2015 wie it oarspronklike Hallofryslan.nl webstee net mear aktyf, mar Wurdboek.nl al.

Keppeling om utens[bewurkje seksje | boarne bewurkje]