Willem Hindrik fan Saksen-Eisenach
| Willem Hindrik fan Saksen-Eisenach | ||
 | ||
| Willem Hindrik, hartoch fan Saksen-Eisenach | ||
| persoanlike bysûnderheden | ||
| berne | 10 novimber 1691 | |
| berteplak | Oranjewâld | |
| stoarn | 26 july 1741 | |
| stjerplak | Eisenach | |
| wurkpaad | ||
| aktyf as | Regearjend foarst | |
Willem Hindrik fan Saksen-Eisenach (It Oranjewâld, 10 novimber 1691 - Eisenach, Tueringen, 26 july 1741), hartoch fan Saksen, wie in soan fan hartoch Johan Willem fan Saksen-Eisenach en Amalia fan Nassau-Dietz. Yn 1729 folge er syn heit op as foarst fan Saksen-Eisenach. As jonge fan 18 oerlibbe er skraach in fal fan in hynder, dêr't er in slimme nierskansearring oan oer hold, dy't him in libben lang lêst besoargje soe.
Houliken
[bewurkje seksje | boarne bewurkje]Willem Hindrik wie troud mei:
- Albertina Juliana fan Nassau-Idstein (1698-1722), dochter fan prins George August Samuel fan Nassau-Idstein,
- Anna Sophie Charlotte fan Brandenburg-Schwedt (1706–1751), dochter fan markgreve Albrecht Frederik fan Brandenburg (1672-1731).
Beide houliken bleaune sûnder bern; sadwaande stoar de line Saksen-Eisenach út en kaam it hartochdom oan de line Saksen-Weimar, Ernst August I fan Saksen-Weimar-Eisenach en ûntstie it hartochdom Saksen-Weimar-Eisenach.
 | Ofbylden dy't by dit ûnderwerp hearre, binne te finen yn de kategory Wilhelm Heinrich fan Wikimedia Commons. |