Mulde

De Mulde is in sydrivier fan de Elbe yn de Duitse dielsteaten Saksen en Saksen-Anhalt. De rivier is 124 km lang (of 290 km, at de langste boarnerivier meirekkene wurdt) en is net befarber: it is de fluchst streamende rivier fan Midden-Jeropa.

De Mulde ûntstiet justjes benoarden de gemeente Colditz út de gearrin fan de westlike Zwickauer Mulde (166 km) en de eastlike Freiberger Mulde (124 km), dy't beide yn it Ertsberchtme ûntspringe.

De Zwickauer Mulde hat twa boarnen yn it Vogtland: de Reade Mulde (Rote Mulde) en de Wite Mulde (Weiße Mulde), dy't byelkoar komme yn in opslachmar, de Muldenberger Talsperre. De Zwickauer Mulde streamt oer Aue, Zwickau en Glauchau nei it noarden.

De Freiberger Mulde ûntspringt yn it Eastlik Ertsberchtme, noch krekt yn Tsjechje, dêr't er Moldavský potok hjit. Freiberg en Döbeln binne de grutste plakken oan de rivier.

De ferienee Mulde rint nei it noarden en mûnet in stikje foarby Dessau út yn de Elbe. Op dit trajekt leit it stedsje Grimma, dat yn 2002 by de Jahrhundertflut, de grutte oerstreamings yn it ôfwetteringsgebiet fan de Elbe, swier skea oprûn.

Beëasten Bitterfeld leit sûnt 1975 in opslachmar, de Muldestausee.

• 
  De Zwickauer Mulde by Zwickau
• 
  De Muldekearmar en Friedersdorf
• 
  De Mulde by Bad Düben

Keppelings om utens

• (dú) Ynformaasje oer lânskip, kultuer en toerisme
• (dú) it Muldeportaal

Commons

Wikimedia Commons

Ofbylden dy't by dit ûnderwerp hearre, binne te finen yn de kategory Mulde fan Wikimedia Commons.