Wim Stroetinga

Wim Stroetinga (Drachten, 23 maaie 1985) is in Fryske hurdfytser. Hy is de jongere broer fan maratonrider Arjen Stroetinga.

Hy liet foar it earst fan him hearre yn 2002, doe't hy wrâldkampioen scratch by de junioaren waard. Twa jier letter waard hy op dit ûnderdiel Nederlânsk kampioen yn de eliteklasse. De folgjende twa jierren wist hy dizze titel te prolongearjen. Yn 2006 waard hy yn Athene Jeropeesk kampioen by de beloften.

Sûnt 2007 makket hy diel út fan it Ubbink - Syntec Cycling Team. Op de Wrâldkampioenskippen baanfytsen 2007 helle hy syn earste grutte ynternasjonale priis by de senioaren: hy wûn op de scratch it sulver efter Kam-Po Wong út Hongkong. Dy syn ferrassende ûntsnapping wie krekt net yn te heljen, mar Stroetinga fersloech mei syn einsprint de rest fan it fjild.

Oerwinningen

2006

• Etappe yn Olympia's Tour

2006

• Europeesk Kampioen Endurance Omnium

Ploegen

• 2005 - Team Löwik Meubelen - Van Losser Ynstallaasjes
• 2006 - Fondas P3Transfer Team
• 2007 - Ubbink - Syntec Cycling Team
• 2008 - ?
• 2009 - Team Milram