Widdo Joustra

Ut Wikipedy
Jump to navigation Jump to search
It pân fan Widdo Joustra oan it Lytssân 32
Ynterieur fan de winkel

Widdo Joustra is in bearenburchmerk, makke troch de bearenburchdistillearderij mei dy namme út Snits.

Skiednis[bewurkje seksje | boarne bewurkje]

Doe't yn 1864 Steven Joustra stoar, moast syn widdo Anjenette Joustra-Reinders wat oars betinke om troch de tiid te kommen. Troch har kontakten mei Hendrik Beerenburg út Amsterdam krige sy it resept yn hannen foar bearenburch en begûn se in stokerij ûnder de namme Wed. S. Joustra & Zn. Doe't Anjenette mei pensjoen gie nom har skoansoan Jan Huges de saak oer. Dy joech op syn beurt it roer yn hannen fan syn soan Uko Hendrik Huges dy't de saak wer oerdie oan syn skoansoan Jacob Sonnenberg. Jacob dette de tradyske fuort troch syn soan Jaap Sonnenberg it heft yn hannen te jaan. No stiet dy syn dochter Heleen Sonnenberg oan it haad fan it bedriuw.

Resept[bewurkje seksje | boarne bewurkje]

Lykas ek by oare fabrikanten is it resept fan Widdo Joustra geheim. Totaal hat de drank sa'n 25 krûden, sa as gentiaan, benediktus, herba card en galiatoer, dy't in moanne lang op in sêfte jenever trekke moatte. Hendrik Beerenburg, makker fan it resept hie it oer Oprechte Maag-Kruiden.
Joustra-bearenburch hat 32 % alkohol, mar der is ek in ferzje mei 35 prosint.

Produkten[bewurkje seksje | boarne bewurkje]

In flesse Widdo Joustra Bearenburch 35%

Neist bearenburch makket de distillearderij de (myldere) fariant Bearinneburch. Ek Krûdebitter, Jonge Jenever, Alde Genever en Fieux Poterne sitte yn it assortimint.

Konkurinsje[bewurkje seksje | boarne bewurkje]

In protte bedriuwen kinne ek in bearenburch meitsje, yn it Nederlânsk mei ien 'e' skreaun, omdat sy net de orizjinele reseptuer fan Hendrik Beerenburg brûke. De meast bekende is sûnder mis Sonnema bearenburch.

Keppeling om utens[bewurkje seksje | boarne bewurkje]