United Country and Western Dance Council

Ut Wikipedy
United Country and Western
Dance Council
algemiene ynformaasje
ôfkoarting UCWDC
nasjonaliteit Flag of the United States.svg Amerikaansk
type org. sportbûn
wurkmêd country- en westerndûns
haadkertier Camp Hill (Pennsylvania)
oprjochte 1989
offisjele webside
www.ucwdc.com

De United Country and Western Dance Council ("Feriene Country en Western Dûns Kommisje"), yn 'e regel koartwei de UCWDC neamd, is in Amerikaansk sportbûn dat wrâldwiid country- en westerndûns promoatet as in poadiumkeunst en as wedstrydsport. It bûn waard yn 1989 oprjochte yn Grantville en liet him yn 1990 registrearje as in non-profitorganisaasje. It haadkertier is fêstige yn Camp Hill, ûnder de reek fan 'e stêd Harrisburg, yn 'e Amerikaanske steat Pennsylvania.

Wurkmêd[bewurkje seksje | boarne bewurkje]

De UCWDC organisearret en promoatet dûnskompetysjes en -workshops, ûnderhâldt in wedstrydreglemint en sjocht ta op 'e neilibbing dêrfan, en stelt sjueryleden oan. Yn 2006 wie it bûn belutsen by mear as 50 wedstrydeveneminten yn 10 ûnderskate lannen, en dêrnjonken organisearret it op jierlikse basis eigen wrâldkampioenskippen. De UCWDC hat ferskate kommisjes dy't foech op in spesifyk mêd hawwe, lykas it sertifisearjen fan sjueryleden, it opstellen fan regels, it tasjen op it neilibjen fan dy regels en etyk yn it algemien, en sponsoring.

Wedstryddûnsen[bewurkje seksje | boarne bewurkje]

peardûnsen
line dances
  • Cuban
  • funky
  • lilt
  • novelty
  • rise & fall
  • smooth

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: External links, op dizze side.