Besjoch de boarne foar USS Missouri (skip út 1944)

{{Ynfoboks skip
| namme                       = <big>USS ''Missouri''</big><br>[[File:USS Missouri COA.png|25px]]
| ôfbylding                   = Missouri post refit.JPG
| ôfbyldingsbreedte           = 
| ôfbyldingstekst             = De USS ''Missouri'' nei de modernisearring út 'e <br>[[1980-er jierren]].
| flagge                      = [[File:Flag of the United States.svg|20px]] [[Feriene Steaten]]
| thúshaven                   = ferskaat (sjoch tekst)
| eigner                      = [[File:Flag_of_the_United_States_Navy.svg|20px]] [[Amerikaanske Marine|Am. Marine]] <small>(oant 1998)</small><br>USS ''Missouri'' Memorial <br>&nbsp;&nbsp;&nbsp;Association
| oare namme(n)               = BB-63
| werf                        = [[Marineskipswerf fan Brooklyn]]
| kyllizzing                  = [[6 jannewaris]] [[1941]]
| tewetterlitting             = [[29 jannewaris]] [[1944]]
| oplevere                    = 
| yn de feart nommen          = [[11 juny]] [[1944]]
| út tsjinst helle            = [[31 maart]] [[1992]]
| status                      = [[museum]]skip, [[Nasjonaal Register fan Histoaryske Plakken|NRHP]]-[[monumint]]
| type                        = [[slachskip]]
| subtype                     = [[Iowa-klasse (slachskip)|''Iowa''-klasse]]
| lingte                      = 270.40 m
| breedte                     = 33 m
| hichte                      = 
| djipgong                    = 8.80 m
| deplassemint                = 45.000 [[ton (massa)|ton]]
| tonnaazje                   = 
| laadfermogen                = 
| tal dekken                  = 
| bemanning                   = 2.700 koppen <small>(by bou)</small><br>1.851 
| passazjiers                 = 
| oandriuwing                 = 
| maksimale faasje            = 32,7 [[knoop (seefeart)|knopen]] (60,6 km/h)
----
| bewapening                  = '''by oplevering''':<br>9 × 16 [[inch]] (406 [[mm]]) [[kanon (wapen)|kanon]]<br>20 × 5 inch (127 mm) kanon<br>80 × 40 mm [[loftdoelgeskut]]<br>48 × 20 mm loftdoelgeskut<br>'''nei modernisearring 1984''':<br>9 × 16 inch (406 mm) kanon<br>12 × 5 inch (127 mm) kanon<br>32 × [[Tomahawk (raket)|BGM-109 Tomahawk-<br>&nbsp;&nbsp;&nbsp;krúsraket]]<br>16 × [[Harpoon (raket)|RGM-84 Harpoon-<br>&nbsp;&nbsp;&nbsp;antyskipsraket]]<br>4 × 20mm [[Phalanx CIWS]]
| opmerkings                  = 
}}
De '''USS ''Missouri''''' is in [[Feriene Steaten|Amerikaansk]] [[slachskip]] fan 'e [[Iowa-klasse (slachskip)|''Iowa''-klasse]], mei de koade '''BB-63''' en de [[bynamme]]n '''Mighty Mo''' en '''Big Mo''' ("MO" is de [[list fan postale ôfkoartings foar Amerikaanske steaten|offisjele ôfkoarting]] fan 'e [[Amerikaanske steat]] [[Missouri (steat)|Missouri]], dêr't it skip nei ferneamd is). It wie mei tuskenskoften fan [[1944]] oant [[1992]] yn 'e tsjinst by de [[Amerikaanske Marine]]. De USS ''Missouri'' wie it lêste slachskip dat troch de Feriene Steaten boud waard. It waard yn 'e [[Twadde Wrâldoarloch]] ynset yn 'e striid tsjin [[Japan]], en it [[dek (skip)|dek]] tsjinne yn [[septimber]] [[1945]] as it plak dêr't de formele [[kapitulaasje]] fan Japan plakfûn. Neitiid waard it skip op 'e nij ynset yn 'e [[Koreaanske Oarloch]] en de [[Earste Golfoarloch]], foar't it yn [[1992]] úteinlik foargoed ôftanke waard. De USS ''Missouri'' waard dêrnei in [[museum]]skip, dat ôfmarre leit oan [[Ford Island]] yn 'e [[lagune]] fan [[Pearl Harbor (lagune)|Pearl Harbor]] yn [[Hawaï]]. It skip krige by in breder [[publyk]] bekendheid troch syn dielname oan films as ''[[Under Siege]]'' en ''[[Battleship (film)|Battleship]]''.

==Bou en skaaimerken==
De USS ''Missouri'' wie ien fan 'e [[slachskip]]pen fan 'e [[Iowa-klasse (slachskip)|''Iowa''-klasse]], dy't yn [[1938]] ûntwurpen waarden foar de [[Amerikaanske Marine]]. De [[kyl (skip)|kyl]] fan it skip waard lein op [[6&nbsp;jannewaris]] [[1941]] op 'e [[Marineskipswerf fan Brooklyn]] yn [[New York (stêd)|New York]], mar de bou rûn fertraging op doe't de Feriene Steaten op [[7&nbsp;desimber]] [[1941]] troch de [[Japan]]ske [[Oanfal op Pearl Harbor]] hommels by de [[Twadde Wrâldoarloch]] belutsen rekken, wat in oare prioriteitstelling ta gefolch hie. Uteinlik waard de USS ''Missouri'' op [[29&nbsp;jannewaris]] [[1944]] [[tewetterlitting|te wetter litten]] en [[doop (skip)|doopt]] troch [[Mary Margaret Truman]], de [[dochter]] fan 'e lettere [[Amerikaanske presidint]] [[Harry Truman]], om't dyselde doe in [[Amerikaanske Senaat|senator]] út [[Missouri (steat)|Missouri]] wie, de [[Amerikaanske steat]] dêr't it skip nei ferneamd waard.
[[File:Kamikaze_zero.jpg|left|thumb|180px|In [[Japan]]ske [[kamikaze]] stiet op it punt om del te kommen op 'e USS ''Missouri'', op [[11&nbsp;april]] [[1945]].]]

As [[marineskip]] wie de USS ''Missouri'' swier [[pânser|bepânsere]] mei 310&nbsp;[[mm]] tsjûk [[stiel]] oan 'e bûtenkant en 290&nbsp;mm tsjûk stiel foar de binnenwanden. De [[geskutstoer|geskutstuorren]] hiene sels in pânser fan 500&nbsp;mm tsjûk stiel. It skip wie bewapene mei in [[batterij (artillery)|batterij]] fan trije 16 [[inch]] (406 mm)-[[kanon (wapen)|kanonnen]] yn elts fan 'e trije geskutstuorren, en dêropta mei ferskate mindere [[wapen]]s. De USS ''Missouri'' hie in lingte fan 270.40&nbsp;[[meter|m]], in breedte fan 33.00&nbsp;m en in [[djipgong]] fan 8.80&nbsp;m. De [[faasje|topsnelheid]] bedroech 32,7&nbsp;[[knoop (seefeart)|knopen]], oftewol 60,6&nbsp;[[km]]/[[oere|h]]. De [[bemanning]] bestie út 2.700 koppen.

==Twadde Wrâldoarloch==
De USS ''Missouri'' waard op [[11&nbsp;juny]] [[1944]] troch de [[Amerikaanske Marine]] yn 'e tsjinst nommen. Nei de earste oefenings fear it skip yn [[novimber]] fan dat jier troch it [[Panamakanaal]] om yn [[San Francisco]] fierder tarist te wurden. Fia [[Hawaï]] fear de USS ''Missouri'' dêrnei nei de westlike [[Stille Oseaan]], dêr't it skip op [[16&nbsp;febrewaris]] foar it earst yn aksje kaam as eskorte foar in stikmannich Amerikaanske [[fleandekskip]]pen dy't it earste [[bombardemint]] fan [[Japan]] útfierden sûnt de ferneamde [[Doolittle Raid]] yn [[april]] [[1942]]. Neitiid bejoech it skip him nei de Japanske [[Bonyneilannen]] yn 'e midden fan 'e Stille Oseaan, dêr't it fan [[19&nbsp;febrewaris]] ôf troch mei syn reuseftige [[kanon (wapen)|kanonnen]] Japanske posysjes te besjitten, stipe bea oan 'e Amerikaanske troepen yn 'e bloedige [[Slach om Iwo Jima]]. 

Yn [[maart]] [[1945]] waard de USS ''Missouri'' as eskorte tawiisd oan ferskate Amerikaanske fleandekskippen, wêrûnder de [[USS Yorktown (CV-10)|USS ''Yorktown'']], dy't nei de [[Japan|Japanske haadeilannen]] fearen en doelen oanfoelen oan 'e kust fan 'e [[Japanske Binnensee]]. Tsjin [[24&nbsp;maart]] hie de USS ''Misouri'' him yn 'e [[Rjûkjû-eilannen]] by in taakgroep fan oare Amerikaanske slachskippen jûn, dy't foarôfgeande oan 'e [[amfibyske operaasje]] dêr't de [[Slach om Okinawa]] mei begjinne soe, it eilân [[Okinawa]] ûnder fjoer namen. Ek neitiid bleau de USS ''Missouri'' dêre, om 'e opmars fan 'e Amerikaanske troepen op it eilân mei kustbombardeminten te ûnderstypjen. Dêrby skeat it [[loftdoelgeskut]] fan it skip fiif fijannige [[fleantugen]] del en holp by it delsjitten fan noch seis oaren. Op [[11&nbsp;april]] waard it skip rekke troch in Japanske [[kamikaze]], wêrby't it lykwols mar lichte skea oprûn. It [[stoflik omskot]] fan 'e [[piloat]] waard oan board fan 'e USS ''Missouri'' fûn, en mei't [[kaptein-op-see]] Callaghan besleat dat de jongeman alles foar syn lân jûn hie dat er jaan koe, krige er de folgjende deis mei [[militêre begraffenis|militêre eare]] in [[seemansgrêf]].

Op [[9&nbsp;maaie]] makke [[admiraal]] [[William F. Halsey jr.]], de [[kommandant]] fan 'e [[Amerikaanske 3e Float]], de USS ''Missouri'' yn [[Apra Harbor]] yn [[Gûam]] ta syn flaggeskip. It skip kearde dêrnei werom nei Okinawa om 'e kustbombardeminten te ferfetsjen. Begjin [[juny]] late de USS&nbsp;''Missouri'' de 3e Float nei it noarden foar oanfallen op [[fleanfjild]]en en militêre ynstallaasjes op [[Kjûsjû]]. It skip trochstie tuskentroch in [[tyfoan]] dy't de [[boech]] fan 'e [[kruser]] de [[USS Pittsburgh (CA-72)|USS ''Pittsburgh'']] losskuorde. Pas mids [[juny]] kearde it skip werom nei [[San Pedro (Filipinen)|San Pedro]] yn 'e [[Filipinen]], foar [[befoarrieding]] en [[ûnderhâld]], nei in fearnsjier hast ûnôfbrutsen by de [[Okinawakampanje]] belutsen west te hawwen. Mids [[july]] fear de USS ''Missouri'' op 'e nij mei de 3e Float noardoan foar in ferrassingsoanfal op [[Tokio]] en kustbombardeminten fan noardlik [[Honsjû]] en súdlik [[Hokkaido (eilân)|Hokkaido]]. Ein [[july]] folgen oanfallen op sintraal Honsjû en by de kust fan 'e [[Japanske Binnensee]] lâns, en op [[9&nbsp;augustus]], de dei dat de twadde Amerikaanske [[atoombom]] op [[Nagasaki]] smiten waard, wie Hokkaido wer oan bar om besketten te wurden.
[[File:Douglas_MacArthur_signs_formal_surrender.jpg|left|thumb|250px|[[Generaal]] [[Douglas MacArthur]], de opperste [[kommandant]] fan 'e [[Alliëarden|Alliëarde Striidkrêften]] yn 'e [[Stille Oseaan]], ûndertekenet de formele oanname fan 'e [[kapitulaasje fan Japan]] oan board fan 'e USS ''Missouri'', op [[2&nbsp;septimber]] [[1945]].]]

It [[Atoombombardemint fan Hiroshima en Nagasaki]] late op [[15&nbsp;augustus]] ta de [[kapitulaasje fan Japan]]. Neitiid fear de USS ''Missouri'' op [[29&nbsp;augustus]] de [[Baai fan Tokio]] yn. It skip wie dêr op [[2&nbsp;septimber]] it toaniel fan 'e formele oanbieding fan 'e [[oerjefte]] troch in Japanske delegaasje ûnder lieding fan [[minister]] fan Bûtenlânske Saken [[Mamoru Shigemitsu]] oan 'e opperste kommandant fan 'e Alliëarde Striidkrêften yn 'e Stille Oseaan, de Amerikaanske [[generaal fan it leger]] [[Douglas MacArthur]] en fertsjintwurdigers fan 'e [[Feriene Steaten]], it [[Feriene Keninkryk]], de [[Sovjet-Uny]], [[Sina]], [[Kanada]], [[Austraalje (lân)|Austraalje]], [[Nij-Seelân]], [[Nederlân]] en [[Frankryk]]. De [[seremoanje]] duorre mar koart, fan 09.02 oant 09.30&nbsp;oere. Op [[5&nbsp;septimber]] ferhuze admiraal Halsey syn kommando nei it slachskip de [[USS South Dakota (BB-57)|USS ''South Dakota'']], wêrnei't de USS ''Missouri'' ier de oare [[moarn (deidiel)|moarns]] ôfsette nei [[Gûam]]. It skip naam diel oan [[Operaasje Flying Carpet]], de poepetoer om hûnderttûzenen Alliëarde militêren te repatriëarjen, troch yn Gûam Amerikaanske troepen oan board te nimmen en fia [[Hawaï]] mei te nimmen nei New York.
[[File:Ussmissouriplaque_RCG.jpg|right|thumb|250px|In plakkette op 'e USS ''Missouri'' dy't it krekte plak oanjout dêr't de [[Twadde Wrâldoarloch]] beëinige waard.]]

==Kâlde Oarloch==
Nei wat ûnderhâld en in trainingsreis nei [[Kuba]] waard de USS ''Missouri'' yn [[maart]] [[1946]] ynset om it [[stoflik omskot]] fan 'e [[Turkije|Turkske]] [[ambassadeur]] yn 'e Feriene Steaten, [[Münir Ertegün]], nei hûs te bringen. It skip arrivearre op [[5&nbsp;april]] yn [[Istanbûl]]. Op deselde reis die it skip ek de haven fan [[Piraeus]] oan, yn [[Grikelân]], dat ferwikkele wie yn 'e [[Grykske Boargeroarloch]] tsjin 'e [[kommunist]]en, om it regear en de befolking fan dat lân in hert ûnder de rym te stekken. De oanwêzigens fan 'e USS ''Missouri'' yn 'e [[Egeyske See]] moast ek de Sovjet-Uny yndruie dat der mei de militêre macht fan 'e Feriene Steaten net te spotten foel. Yn [[septimber]] fear it slachskip de Amerikaanske presidint [[Harry Truman]] fan in ynternasjonale [[konferinsje]] yn [[Rio de Janeiro]] werom nei hûs.

Underwilens helle de Amerikaanske Marine syn slachskippen út 'e tsjinst yn it ramt fan 'e ynkrimping fan 'e float yn fredestiid, mar Truman, dy't in sin hie by de USS ''Missouri'', wegere dat foar dat skip goed te karren. Sa bleau de USS ''Missouri'' it iennichste slachskip yn aktive tsjinst. Op [[17&nbsp;jannewaris]] [[1950]] rûn it skip by in training foar de kust fan [[Firginia]] oan 'e grûn op 2,6&nbsp;[[km]] fan 'e [[Fjoertoer fan Thimble Shoal]]. Troch de ynset fan [[sleepboat]]en en [[ponton]]s en mei help fan it [[floed|opkommend tij]] waard it skip op [[1&nbsp;febrewaris]] losskuord en reparearre.
[[File:Grounded_Missouri.jpg|left|thumb|180px|De USS ''Missouri'' wurdt losskuord nei't it skip yn [[jannewaris]] [[1950]] foar de [[kust]] fan [[Firginia]] oan 'e grûn rûn is.]]

Doe't yn [[juny]] [[1950]] de [[Koreaanske Oarloch]] útbriek, wêrby't it [[kommunisme|kommunistyske]] [[Noard-Koreä]] it ûnder Amerikaanske beskerming steande [[Súd-Koreä]] binnenfoel, wie de USS ''Missouri'' it earste Amerikaanske slachskip dat nei it [[Koreaansk Skiereilân]] ta stjoerd waard om 'e ienfâldige reden dat alle oare slachskippen earst út 'e motteballen helle wurde moasten. De earste aksje fan it skip wie in kustbombardemint fan [[Samchok]] op [[15&nbsp;septimber]], wêrnei't it fan [[19&nbsp;septimber]] ôf ynset waard om 'e [[Slach by Incheon|grutskalige lâningsoperaasjes by Incheon]] te ûnderstypjen. Yn [[oktober]] fierde it slachskip bombardeminten út by [[Chongjin]], [[Tanchon]] en [[Wonsan]].
[[File:KoreanWarNavyGunfire.jpg|right|thumb|250px|De USS ''Missouri'' fjurret ûnder de [[Koreaanske Oarloch]] in salvo ôf op posysjes fan 'e fijân. (Tink om it effekt dat de [[luchtdruk]] fan 'e [[kanon (wapen)|kanonskotten]] hawwe op it wetter oan 'e fierste kant fan it skip.)]]

Krekt doe't it derop liek dat de Amerikanen, de Súdkoreänen en harren bûnsgenoaten (dy't ûnder in folmacht fan 'e [[Feriene Naasjes]] fochten) hiel Noard-Koreä feroverje soene, fierde de [[Folksrepublyk Sina]] op [[19&nbsp;oktober]] [[1950]] in yntervinsje yn 'e Koreaanske Oarloch út om dat foar te kommen. It Sineeske [[Folksbefrijingsleger]] kaam de Amerikanen en harren bûnsgenoaten folslein oer it mad yn 'e [[Slach by de Chosin-opslachmar]]. De USS ''Missouri'' krige opdracht om mei syn kanonnen de ôftocht oer see fan 'e Amerikaanske en FN-troepen út [[Hungnam]] te ûnderstypjen, in weromlûking dy't op [[24&nbsp;desimber]] foltôge waard. It slachskip bleau oant ein [[maart]] [[1951]] yn Koreä aktyf, wêrnei't it ôflost waard en nei de [[Marineskipswerf fan Norfolk]] yn [[Norfolk (Firginia)]] stjoerd waard foar grutskalich ûnderhâld. Dat duorre oant ein [[jannewaris]] [[1952]]. 

Nei ferskate trainingsmisjes, û.o. by de Amerikaanske [[Marinebasis Guantanamo Bay]] op [[Kuba]], kearde de USS ''Missouri'' yn [[oktober]] [[1952]] werom yn Koreä, dêr't it skip it flaggeskip waard fan [[fise-admiraal]] [[Joseph J. Clark]], de kommandant fan 'e [[Amerikaanske 7e Float]]. It slachskip waard fan ein [[oktober]] oant yn [[maart]] [[1953]] ynset foar bombardeminten by [[Tanchon]], [[Chongjin]], [[Sonjin]], [[Wonsan]], [[Hamhung]] en [[Hungnam]]. It lêste bombardemint fan 'e USS ''Missouri'' fûn plak by [[Kojo]]. Op [[6&nbsp;april]] waard de funksje fan flaggeskip oerdroegen oan 'e [[USS New Jersey (BB-62)|USS&nbsp;''New Jersey'']], wêrnei't it skip weromkearde nei Norfolk om tafoege te wurden oan 'e [[Amerikaanske Atlantyske Float]]. Dêr tsjinne de USS ''Missouri'' twa jier by rûtine-operaasjes en trainingsmisjes, oant it yn [[augustus]] [[1955]] nei de [[Puget Sound]] by [[Seattle]] stjoerd waard om by [[Bremerton (Washington)|Bremerton]] deäktivearre te wurden as ûnderdiel fan 'e [[Pasifyske Reservefloat]]. Dêr bleau it skip krapoan tritich jier lizzen.
[[File:Missouri_Modernized.jpg|left|thumb|250px|De USS ''Missouri'' yn in [[drûchdok]] ûnder de modernisearring fan it skip yn [[1985]].]]

==Reäktivearring==
Doe't yn 'e [[1980-er jierren]] de Amerikaanske presidint [[Ronald Reagan]] in ambisjeus plan foar militêre útwreiding begûn, waard de USS ''Missouri'' yn 'e simmer fan [[1984]] wer fan stâl helle. It âlde skip waard nei de [[Marineskipswerf fan Long Beach]] sleept, dêr't it foar in grut part ûntmantele waard. Der waard in algemiene modernisearring trochfierd, dy't tagelyk bedoeld wie foar it fuortwurkjen fan efterstallich ûnderhâld. Neitiid wie noch mar in bemanning fan 1.851 man nedich (oarspronklik: 2.700 koppen). Fierders waarden alle efter de tiid rekke [[wapen]]s ferwidere. It skip behold syn trije geskutstuorren mei 6 inch (406 mm) [[kanon (wapen)|kanonnen]], mar ferlear acht fan 'e tweintich 5 inch (127 mm) kanonnen en al it hopeleas ferâldere [[loftdoelgeskut]]. Dêrfoar yn it plak waard it skip tarist mei 32 [[Tomahawk (raket)|BGM-109 Tomahawk-krúsraketten]], 16 [[Harpoon (raket)|RGM-84 Harpoon-antyskipsraketten]] en fjouwer 20mm [[Phalanx CIWS]]-kanonnen.

Neitiid waard de USS ''Missouri'' formeel wer yn 'e tsjinst nommen op [[10&nbsp;maaie]] [[1986]], by in [[seremoanje]] dy't plakfûn yn 'e haven fan [[San Francisco]], yn it bywêzen fan 'e Amerikaanske minister fan Definsje [[Caspar Weinberger]]. It skip waard stasjonearre yn [[Long Beach (Kalifornje)]], en sette fjouwer [[moanne (tiid)|moannen]] letter ôf foar in reis om 'e wrâld, wêrby't û.m. it [[Marinestasjon Pearl Harbor]] yn [[Hawaï]], en stêden as [[Sydney]], [[Hobart (Tasmaanje)|Hobart]], [[Perth]], [[Istanbûl]], [[Napels]] en [[Lissabon]] oandien waarden. De USS ''Missouri'' pasearre sawol it [[Suëzkanaal]] as it [[Panamakanaal]] en waard it earste Amerikaanske slachskip dat hielendal om 'e wrâld fearn wie sûnt de Amerikaanske presidint [[Theodore Roosevelt]] yn [[1907]] de [[Grutte Wite Float]] op in reis om 'e wrâld stjoerde.
[[File:Missouri_Recomissioned_(1986).jpg|right|thumb|250px|De USS ''Missouri'' wurdt formeel reäktivearre op [[10&nbsp;maaie]] [[1986]] yn [[San Francisco]].]]

Yn [[1987]] naam de USS ''Missouri'' ûnder de saneamde [[Tankeroarloggen]] yn 'e [[Perzyske Golf]] en de [[Arabyske See]], dy't in sydkonflikt fan 'e [[Iraansk-Iraakske Oarloch]] wiene, diel oan it eskortearjen fan [[Koeweit]]ske [[oaljetanker]]s troch it oarlochsgebiet en yn it bysûnder troch de nauwe [[Strjitte fan Hormûz]]. Begjin [[1988]] kearde it slachskip werom yn 'e Feriene Steaten, en inkele moannen letter naam it diel oan 'e [[RimPac]]-oefenings by Hawaï, dêr't behalven Amerikaanske [[marineskip]]pen ek skippen út [[Austraalje (lân)|Austraalje]], [[Kanada]] en [[Japan]] by belutsen wiene. Begjin [[1989]] kearde de USS ''Missouri'' werom nei de Marineskipswerf fan Long Beach foar grut ûnderhâld. Wylst it skip dêr lei, waard op [[1&nbsp;july]] oan board de [[fideoklip]] fan it [[liet|nûmer]] ''[[If I Could Turn Back Time]]'' fan 'e Amerikaanske [[sjongster]] [[Cher]] opnommen. Yn [[1990]] naam it skip op 'e nij diel oan 'e RimPac-oefening mei Amerikaanske bûnsgenoaten.

==Earste Golfoarloch==
Under de [[Earste Golfoarloch]], yn [[jannewaris]] [[1991]], wêrby't de Feriene Steaten en in grutte koälysje fan bûnsgenoaten in ein makken oan 'e [[besetting fan Koeweit]] troch [[Irak]], waard de USS ''Missouri'' op 'e nij ynset om mei syn reuseftige kanonnen de opmars fan grûntroepen te ûnderstypjen. It skip fear op [[3&nbsp;jannewaris]] troch de [[Strjitte fan Hormûz]] en fjurre op [[17&nbsp;jannewaris]] foar it earst yn in oarlochssitewaasje in [[Tomahawk (raket)|Tomahawk-krúsraket]] ôf. Op [[29&nbsp;jannewaris]] fear it skip deun nei de kust fan [[Koeweit]] ta, foarôfgien troch it [[fregat]] de [[USS Curts (FFG-38)|USS ''Curts'']], dat tarist wie mei avansearre apparatuer foar de deteksje fan [[seemyn|seeminen]] dêr't it slachskip sels net oer beskikte. 
[[File:USS_Missouri_firing_during_Desert_Storm,_6_Feb_1991.jpg|left|thumb|250px|De USS ''Missouri'' fjurret syn grutte [[kanon (wapen)|kanonnen]] ôf op [[Irak|Iraakske]] posysjes yn [[Koeweit]] ûnder de [[Earste Golfoarloch]], op [[6&nbsp;febrewaris]] [[1991]].]]

It swiere bombardemint dêr't de Iraakske troepen yn Koeweit doe oan bleat kamen te stean, fêstige harren oandacht op 'e âlde USS ''Missouri'', dêr't se twa moderne [[Silkworm (raket)|HY-2 Silkworm-raketten]] op ôffjurren. Ien miste doel, en de oare waard ûnderskept troch de Britske [[torpedoboatjager]] [[HMS Gloucester (D-96)|HMS ''Gloucester'']]. Tsjin 'e tiid dat de oarlochshannelings har op [[26&nbsp;febrewaris]] bûten berik fan 'e kanonnen fan 'e USS ''Missouri'' ferpleatsten, hie it âlde slachskip yn totaal 759 kanonskûgels fan 410&nbsp;mm fersketten en 28 Tomahawks lansearre. It skip ferliet de Perzyske Golf op [[21&nbsp;maart]] en reizge fia [[Fremantle (West-Austraalje)|Fremantle]] en [[Hobart (Tasmaanje)|Hobart]] nei hûs om de rest fan it jier oefenings út te fieren en op [[7&nbsp;desimber]] by de [[betinking]] fan 'e [[Oanfal op Pearl Harbor]] yn Hawaï oanwêzich te wêzen. Under dy betinking ferbleau de Amerikaanske presidint [[George H.W. Bush]] op it skip, de earste kear sûnt [[1947]] dat der in presidint oan board west hie.

==Museumskip==
Doe't mei de fal fan it [[Izeren Gerdyn]] yn [[1989]] en it ynstoarten fan 'e [[Sovjet-Uny]] yn [[1991]] in ein oan 'e [[Kâlde Oarloch]] kaam, folgen der yn 'e Feriene Steaten drastyske [[besuniging]]s op it definsje[[budget]]. Fan gefolgen koe it net mear út om slachskippen geande te hâlden, mei't dat rottekrûddjoer wie. Sadwaande waard de USS ''Missouri'' op [[31&nbsp;maart]] [[1992]] yn [[Long Beach (Kalifornje)|Long Beach]] formeel út 'e feart helle. It skip waard wer ûnderdiel fan 'e Pasifyske Reservefloat by de [[Marineskipswerf fan 'e Puget Sound]] yn [[Bremerton (Washington)|Bremerton]], oant it op [[12&nbsp;jannewaris]] [[1995]] út it register fan skippen fan 'e [[Amerikaanske Marine]] skrast waard.
[[File:USS_Missouri_HNL.jpg|right|thumb|250px|[[Toerist]]en oan board fan 'e USS ''Missouri'', dy't no in [[museumskip]] yn 'e [[lagune]] fan [[Pearl Harbor (lagune)|Pearl Harbor]] yn [[Hawaï]] is.]]

De boargers fan Bremerton hiene it slachskip graach dêr hâlde wollen om [[toerist]]en te lûken, mar it Amerikaanske [[regear]] liek it better ta om in [[symboal]] foar it begjin fan 'e [[Twadde Wrâldoarloch]] te keppeljen oan in symboal foar de ein fan dat konflikt. Op [[4&nbsp;maaie]] [[1998]] waard de USS ''Missouri'' troch de Amerikaanske Marine fergees oerdroegen oan 'e USS ''Missouri'' Memorial Association (MMA), in [[non-profit]]organisaasje dy't dêrmei alle soarch foar it ûnderhâld fan it reuseftige skip op him naam. De USS ''Missouri'' waard neitiid nei [[Hawaï]] sleept, dêr't it slachskip as [[museumskip]] yn 'e [[lagune]] [[Pearl Harbor (lagune)|Pearl Harbor]] ôfmarre waard oan 'e âlde  [[Battleship Row]] fan [[Ford Island]], útsjend op it [[skipswrak|wrak]] fan 'e [[USS Arizona (BB-39)|USS ''Arizona'']], dy't by de [[Oanfal op Pearl Harbor]] ta [[sinken]] brocht waard, en it byhearrende [[Tinkteken foar de USS Arizona|Tinkteken foar de USS ''Arizona'']]. 
[[File:USS_Missouri_watching_over_USS_Arizona_-_Pearl_Harbor.jpg|left|thumb|250px|De [[kanon (wapen)|kanonnen]] fan 'e USS ''Missouri'' wekje oer it [[Tinkteken foar de USS Arizona|Tinkteken foar de USS ''Arizona'']] (it wite driuwende bouwurk yn 'e fierte) en it [[skipswrak|wrak]] fan [[USS Arizona (BB-39)|it sonken skip]] dêrûnder.]]

De USS ''Missouri'' is in [[monumint]] sûnt it skip op [[14&nbsp;maaie]] [[1971]] opnommen waard yn it Amerikaanske [[Nasjonaal Register fan Histoaryske Plakken]] (NRHP). Reden dêrfoar wie de rol fan it skip by de [[kapitulaasje fan Japan]]. De USS ''Missouri'' komt lykwols net yn oanmerking om ta in [[nasjonaalhistoarysk plak (Feriene Steaten)|nasjonaalhistoarysk plak]] (''national historic landmark'') útroppen te wurden om't it skip nei de [[Twadde Wrâldoarloch]] en fral yn 'e [[1980-er jierren]] yngeand modernisearre is. 

By in breder, wrâldwiid [[publyk]] is de USS ''Missouri'' bekend wurden troch dielname oan ferskate films. Sa spile de film ''[[Under Siege]]'', út [[1992]], mei [[Steven Seagal]] yn 'e [[haadrol]], oan board fan 'e USS ''Missouri''. Yn dy film waard it wiere skip lykwols inkeld út 'e fierte wei yn byld brocht; de binnendoarsênes op it skip waarden eins opnommen op it slachskip de [[USS Alabama (BB-60)|USS ''Alabama'']]. Yn [[2012]] waard in diel fan 'e film ''[[Battleship (film)|Battleship]]'' wól oan board fan 'e USS ''Missouri'' opnommen. Mei't it skip sûnt [[1992]] net mear op eigen beweging fearn hat, waard de sêne wêryn't it de iepen see opfart om slach te leverjen mei in [[bûtenierdske wêzens|bûtenierdske]] ynvaazjemacht opnommen mei de help fan trije [[sleepboat]]en.

==Keppelings om utens==
*{{en}}[http://www.ussmissouri.com/ Offisjele webside fan 'e USS ''Missouri'']

{{boarnen|boarnefernijing=
Foar boarnen en oare literatuer, sjoch ûnder: [http://en.wikipedia.org/wiki/USS_Missouri_(BB-63) ''References'', op dizze side].
----
{{commonscat|USS Missouri (BB-63)}}
}}
{{DISPLAYTITLE:USS ''Missouri'' (skip út 1944)}}

{{DEFAULTSORT:Missouri (skip út 1944}}
[[Kategory:Amerikaansk slachskip]]
[[Kategory:Museumskip]]
[[Kategory:Museum yn Hawaï]]
[[Kategory:Monumint yn Hawaï]]
[[Kategory:Honolulu]]
[[Kategory:Skip út 1944]]