Tsjerke fan Jehannes Krysostomos (Jaroslavl)

Ut Wikipedy
Jehannes Krysostomostsjerke

Златоустовская церковь

bouwurk
Yaroslavl StJohnChrysostomChurch 7742.jpg
lokaasje
lân Flag of Russia.svg Ruslân
oblast Flag of Yaroslavl Oblast.svg Jaroslavl
plak Flag of Yaroslavl.svg Jaroslavl
koördinaten 57° 36' N 39° 54' E
bysûnderheden
type bouwurk Tsjerke
boujier 1649-1654
monumintale status Kultureel monumint fan federaal belang
monumintnûmer 7610048004
offisjele webside
Side fan de tsjerke

De Tsjerke fan de Hillige Jehannes Krysostomos (Russysk:) Церковь Иоанна Златоуста) is in tsjerke fan de âldleauwenden yn Jaroslavl, Ruslân. De tsjerke waard boud tusken 1649 en 1654 en stiet op it plak dêr't de Kotorosl yn de Wolga streamt. De bruorren Nezjdanov, rike keaplju út Jaroslavl, makken de bou finansjeel mooglik. Njonken de Jehannes Krysostomostsjerke stiet de Us Leaffrou fan Vladimirtsjerke, dy't foar winterdeis tsjinne en ferwaarme wurde koe.

Skiednis[bewurkje seksje | boarne bewurkje]

De earste, doe noch houten tsjerke yn de sloboda Krovniki waard boud yn de 16e iuw. Yn dizze delsetting holden de ynwenners harren dwaande mei it hâlden fan fee, túnkjen, fiskjen, pottebakkerij en it meitsjen fan porslyn. Yn 1649 sette de bou fan in stiennen tsjerke útein. It wienen de bruorren Fjodr en Ivan Nezjdanov dy't it jild foar de bou beskikber stelden. De súdlike sydkapel tsjinne as lêste rêstplak fan de bruorren. Fiif jier letter wie de tsjerke klear.

De fresko's fan it ynterieur waarden net earder as yn de jierren 1730 oanbrocht. Al efkes earder waard de otterdokske tsjerke fan Us Leaffrou fan Vladimir foltôge, dy't te ferwaarmjen wie en troch de parochy winterdeis brûkt waard. Tusken de beide tsjerken stiet in 37 meter hege mienskiplike klokketoer, dy't yn de jierren 1780 boud waard.

Nei de oktoberrevolúsje waarden de beide tsjerken troch de ateïsten sletten en omset yn pakhûzen. Yn de Jehannes Krysostomostsjerke waard sâlt opslein, dat soarge foar de oantaasting en ferneatiging fan guon fresko's yn de tsjerke.

In protte tsjerken dy't ûnteigene kamen nei it sluten letter yn hannen fan it Museum fan Jaroslavl. De Jehannes Krysostomostsjerke waard nei it ynstoarten fan de Sovjet-Uny lykwols jûn oan de mienskip fan de âldleauwenden.[1]

Ofbylden[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: