Transfiguraasjetsjerke (Starotsjerkasskaja)

Ut Wikipedy
Transfiguraasjetsjerke

Преображенская церковь

bouwurk
Ратная церковь.JPG
lokaasje
lân Flag of Russia.svg Ruslân
oblast Flag of the Rostov Oblast.svg Rostov
plak Starotsjerkasskaja
bysûnderheden
type bouwurk Tsjerke
boujier 1744-1751
boustyl Barok

De Transfiguraasjetsjerke (Russysk: Преображенская церковь) is in monumintaal tsjerkegebou yn de stanitsa Starotsjerkasskaja (foarhinne Tsjerkassk) yn de oblast Rostov, Ruslân. It is de earste stiennen tsjerke fan it kozakkendoarp en it wie ek de op ien nei âldste tsjerke. De bou fan de tsjerke waard útfierd troch deselde boulju as dy fan de klokketoer fan de Opstanningskatedraal.

Foarhinne waard der noardlik fan it hjoeddeiske Starotsjerkasskaja in delsetting boud foar likernôch 6.000 ynwenners. De stifting fan dizze stêd hie te krijen mei it bûn dat de Don Kozakken mei Ruslân sletten hiene foar de striid tsjin de Turken yn Azov. Letter, yn 1677, waard der in tsjerkhôf oanlein folge troch de bou fan in tsjerke yn 1701. Dizze houten tsjerke waard wijd oan de profeet Elía en krige as twadde namme Ratnajatsjerke (Ратная церковь), nei it gebiet dêr't de legers fan de Don Kozakken byinoar kamen as se meiïnoar opteagen nei Azov. Op it tsjerkhôf lizze kriichshelden út de tiid doe't de Kozakken tsjin de Turken fochten, mar ek helden út de tiid doe't Napoleon Ruslân binnenfoel.

De hjoeddeiske barokke tsjerke ferfong de âldere houten tsjerke en mei de bou der fan waard op 31 maaie 1744 begûn. De klokketoer folge yn 1751.

Yn de jierren 1930 waard de tsjerke sluten foar de earetsjinst. It ynterieur is yn de Sovjet-tiid ferlern gien. Yn de jierren 2000 folge in restauraasje en tsjintwurdich is de tsjerke wer iepene foar de earetsjinst.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Russysktalige Wikipedyside; sjoch foar de bewurkingsskiednis: [1]