Tony Award

Ut Wikipedy
Antoinette Perry Award for
Excellence in Theatre

(Tony Award)
algemiene ynformaasje
nasjonaliteit Amerikaansk
útrikt foar toaniel
útrikt troch de American Theatre Wing en
de Broadway League
frekwinsje 1x jiers
datum begjin juny
plak New York (New York)
ynsteld 1947
1e útrikking 1947
offisjele webside
www.tonyawards.com

De Tony Awards, eins de Antoinette Perry Awards for Excellence in Theatre, binne in groep Amerikaanske prizen dy't sûnt 1947 jierliks by in galaseremoanje yn New York yn in grut tal kategoryen útrikt wurde oan produsinten, akteurs en technisy op it mêd fan toaniel, mear yn 't bysûnder fan it toaniel fan it Newyorkske Broadway. Se wurde rûnom beskôge as de wichtichste Amerikaanske toanielprizen, en korrespondearje datoangeande mei de Oscars (foar film), de Emmys (foar tillefyzje) en de Grammys (foar muzyk). Ynternasjonaal kinne se ferlike wurde mei de Britske Laurence Olivier Award foar toaniel en de Frânske Prix Molière. De Tonys wurde yn gearwurking útrikt troch twa organisaasjes, de American Theatre Wing en de Broadway League, en binne ferneamd nei Antoinette Perry, de mei-oprjochtster fan 'e American Theatre Wing. De útrikking fan 'e Tonys wurdt live útstjoerd op 'e Amerikaanske tillefyzje, fia de stjoerder CBS.

Kategoryen[bewurkje seksje | boarne bewurkje]

permaninte kategoryen
  • bêste haadrol fan in aktrise yn in toanielstik
  • bêste haadrol fan in akteur yn in toanielstik
  • bêste haadrol fan in aktrise yn in musical
  • bêste haadrol fan in akteur yn in musical
  • bêste byrol fan in aktrise yn in toanielstik
  • bêste byrol fan in akteur yn in toanielstik
  • bêste byrol fan in aktrise yn in musical
  • bêste byrol fan in akteur yn in musical
showkategoryen en technyske kategoryen
  • bêste toanielstik
  • bêste revival fan in toanielstik
  • bêste rezjy fan in toanielstik
  • bêste dekôr fan in musical
  • bêste kostúmûntwerp fan in musical
  • bêste beljochting fan in musical
Robert Lopez and Jeff Marx litte har Tony Award-trofee sjen, op 'e útrikking fan 2004.
  • bêste musical
  • bêste revival fan in musical
  • bêste rezjy fan in musical
  • bêste boek fan in musical
  • bêste oarspronklike muzyk
  • bêste orkestregistraasje
  • bêste goreografy
  • bêste dekôr fan in musical
  • bêste kostúmûntwerp fan in musical
  • bêste beljochting fan in musical
spesjale prizen
  • Regional Theatre Tony Award (foar regionaal toaniel; d.w.s. oeral útsein op Broadway)
  • Special Tony Award (oeuvrepriis)
  • Tony Honors for Excellence in Theatre (priis foar bûtengewoane prestaasjes)
  • Isabelle Stevenson Award
ôfskafte prizen
  • bêste auteur
  • bêste dirigint
  • bêste revival (no yn twaen spjalte foar toanielstik en musical)
  • bêste technikus
  • bêste toanielbarren
  • bêste rezjy (no yn twaen spjalte foar toanielstik en musical)
  • bêste lûdstechnyk fan in toanielstik
  • bêste lûdstechnyk fan in musical

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.